უკრაინის პრეზიდენტმა, ვოლოდიმირ ზელენსკიმ ხელი მოაწერა განკარგულებას 34 პირისთვის  სახელმწიფო ჯილდოების ჩამორთმევის შესახებ. ამის შესახებ ინფორმაციას Unian-ი ავრცელებს.

მედიის ცნობით, აღნიშნული განკარგულებით, ზელენსკიმ აამოქმედა ეროვნული უსაფრთხოებისა და თავდაცვის საბჭოს გადაწყვეტილება, „უკრაინის მოღალატეებისთვის სახელმწიფო ჯილდოების ჩამორთმევის შესახებ“.

პრეზიდენტის ადმინისტრაციის ინფორმაციით, ჯილდოჩამორთმეულ პირთა შორის არიან: უკრაინის გენერალური პროკურორის ყოფილი პირველი მოადგილე რენატ კუზმინი, განათლებისა და მეცნიერების ყოფილი მინისტრი დიმიტრი ტაბაჩნიკი, უკრაინის ყოფილი პრემიერ-მინისტრი მიკოლა აზაროვი, უკრაინის ყოფილი გენერალური პროკურორი ვიქტორ ფშონკა, III-IX მოწვევის ყოფილი სახალხო დეპუტატი ანდრეი დერკაჩი, რუსეთის მართლმადიდებელი ეკლესიის პატრიარქი კირილი.

იმ მოქალაქეებს შორის, რომლებიც უკრაინის სახელმწიფო ჯილდოს გარეშე დარჩნენ, ასევე უკრაინის ყოფილი სახალხო დეპუტატი ვიქტორ მედვედჩუკია.

სახელმწიფო ჯილდოები ჩამოერთვათ რუს მომღერლებს: ნიკოლაი ბასკოვს, ფილიპ კირკოროვს, ალექსანდრე მალინინს, რუს კომპოზიტორ იგორ კრუტოის, ასევე მომღერლებს - ანი ლორაკსა და ტაისია პოვალის.

ავტორი: ექსპრესნიუსი,

სოციალური ქსელები

ნეთანიაჰუს დაკავების ორდერზე მსოფლიო ლიდერები ვერ თანხმდებიან

ომბუდსმენის აპარატი - ინფორმაცია, რომ ისაკო დევიძე სახალხო დამცველის წარმომადგენელმა არ მოინახულა, დეზინფორმაციაა

ლონდონში, აშშ-ის საელჩოსთან ბომბი იპოვეს

მერია - საახალწლო ილუმინაციების მონტაჟის გამო ქეთევან დედოფლის გამზირისა და კოსტავას ქუჩის ნაწილზე მოძრაობა დროებით შეიზღუდება