პარლამენტის თავმჯდომარის, შალვა პაპუაშვილის განცხადებით, მე-11 მოწვევის პარლამენტის პირველ სხდომას საქართველოში აკრედიტებული დიპლომატიური კორპუსის წარმომადგენლები არ დაესწრებიან.

როგორც პაპუაშვილმა ცოტა ხნის წინ გამართულ ბრიფინგზე აღნიშნა, მას ელჩებისთვის მოსაწვევები არ გაუგზავნია.

მისივე განმარტებით, აღნიშნული გადაწყვეტილება „უცხოელების არასწორი გავლენის მინიმიზების მიზნით“ მიიღო.

„მოწვევები დავაგზავნე გუშინწინ. პარლამენტის პირველ სხდომაზე მოწვეული არიან მთავრობის წევრები, კონსტიტუციური ორგანოების წარმომადგენლები. რაც შეეხებათ ელჩებს, ისინი მოწვეულები არ არიან პირველ სხდომაზე, ვინაიდან ეს გახლავთ ჩვენი შიდა სახელმწიფოებრივი საკითხი რაც შეეხება არჩევნებს და პარლამენტის პირველ სხდომას და მათ შორის, უცხოელების არასწორი გავლენის მინიმიზების მიზნით, მნიშვნელოვანია, რომ ელჩების თუ სხვა ქვეყნების ჩართულობა ამ პროცესში აუცილებელი არ არის. ეს არის ქართველი ხალხის ზეიმი და ქართველმა ხალხმა უნდა იზეიმოს საკუთარი პარლამენტის პირველი სხდომა“,- განაცხადა პაპუაშვილმა.

ცნობისთვის, მე-11 მოწვევის პარლამენტის პირველი სხდომა 25 ნოემბერს გაიმართება - სხდომა 12:00 საათზე დაიწყება.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს