ახალი რაკეტით დარტყმა ომის მასშტაბის სერიოზული ზრდაა,- ამის შესახებ უკრაინის პრეზიდენტმა, ვოლოდიმირ ზელენსკიმ სოციალურ ქსელ X-ზე წერს.

ზელენსკის განცხადებით, პარტნიორებმა რუსეთს პასუხი უნდა გასცენ, ამჟამად კი, მათი მხრიდან „ძლიერ რეაქციას ვერ ხედავს“.

„დღეს პუტინმა აღიარა, რომ წელს მეორე ნაბიჯი გადადგა ამ ომის ესკალაციისა და გაფართოებისკენ. გამოიყენეს ახალი ბალისტიკური რაკეტა. პუტინმა დაარტყა ჩვენს ქალაქ დნიპროს, უკრაინის ერთ-ერთ უდიდეს ქალაქს. ეს არის აშკარა და მძიმე ესკალაციაა ამ ომის მასშტაბებისა და სისასტიკისა - რუსეთის მიერ გაეროს წესდების ცინიკური დარღვევა. ხაზს ვუსვამ: ეს წელს უკვე რუსეთის მეორე ნაბიჯია ესკალაციისკენ. პირველი იყო ჩრდილოეთ კორეის ჩართვა უკრაინის წინააღმდეგ ომში, მინიმუმ 11 000 ჯარისკაცისგან შემდგარი კონტიგენტით. პუტინმა გადადგა ორივე ნაბიჯი, რითაც იგნორირება გაუკეთა მსოფლიოში ყველას, ვინც ომის შემდგომი გაფართოებისგან თავის შეკავებისკენ მოუწოდებს. ის უგულებელყოფს ზარებს ჩინეთიდან, ბრაზილიიდან, ევროპის ქვეყნებიდან, შეერთებული შტატებიდან და სხვა. პუტინმა დაიწყო ეს ომი, სრულიად არაპროვოცირებული ომი და ის ყველაფერს აკეთებს მის გასახანგრძლივებლად, ახლა უკვე ათას დღეზე მეტია. დღეს უკრაინის წინააღმდეგ ბალისტიკური რაკეტის გამოყენება კიდევ უფრო მეტი მტკიცებულებაა იმისა, რომ რუსეთს არ აქვს მშვიდობის ინტერესი.

პუტინი გცდით თქვენ, ძვირფასო პარტნიორებო. გასაგებია, ვინ არის ამ ომის ერთადერთი დამნაშავე - ვინ დაიწყო ომი 24 თებერვალს და ვინ აგრძელებს მთელი რესურსის მოხმარებას ამ ომის გასაგრძელებლად. ის უნდა შეჩერდეს. რუსეთის ქმედებებზე მკაცრი რეაქციების ნაკლებობა აგზავნის შეტყობინებას, რომ ასეთი ქცევა მისაღებია. ამას აკეთებს პუტინი. პუტინმა უნდა იგრძნოს თავისი შეშლილი ამბიციების ფასი. საჭიროა რეაგირება. რუსეთი უნდა აიძულონ, დაამყაროს ნამდვილი მშვიდობა, რაც მხოლოდ ძალითაა შესაძლებელი. წინააღმდეგ შემთხვევაში, იქნება გაუთავებელი რუსული დარტყმები, მუქარები და დესტაბილიზაცია არა მხოლოდ უკრაინის წინააღმდეგ. ნამდვილი მშვიდობისთვის ღირს ბრძოლა. მოქმედებაა საჭირო“,- წერს ზელენსკი.

ავტორი: ექსპრესნიუსი,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს