კიევი არ დათანხმდება მოსკოვთან არანაირ შეთანხმებას ტერიტორიის დათმობის სანაცვლოდ, - ამის შესახებ უკრაინის საგარეო საქმეთა მინისტრმა, ანდრეი სიბიგამ განაცხადა.

როგორც სიბიგამ ამერიკის შეერთებული შტატების კონგრესში გამართული მოსმენის დროს აღნიშნა, "ეს ნიშნავს მილიონობით ადამიანის დატოვებას აგრესორის ხელში, რაც გამოიწვევს გენოციდს, წამებასა და ჩაგვრას".

სიბიგამ აგრეთვე რუსეთში დამტკიცებულ განახლებულ ბირთვულ დოქტრინაზეც ისაუბრა და თქვა, რომ ეს რუსეთის მხრიდან შანტაჟია.

„უკრაინა არ მიიღებს რამე წინადადებას, რომელიც მოიცავს კომპრომისს ჩვენს სუვერენიტეტთან ან ტერიტორიულ მთლიანობასთან დაკავშირებით, არ მივიღებთ ჩვენი მონაწილეობის გარეშე შემუშავებულ არანაირ ინიციატივას, არ მივიღებთ შეთანხმებას: მიწა მშვიდობის სანაცვლოდ.

ეს არის დაშოშმინება და არ მშვიდობა. დაშოშმინება წარსულში არასდროს მუშაობდა და არც ახლა იმუშავებს.

რუსეთის განახლებული ბირთვული დოქტრინა და რიტორიკა ბირთვული იარაღის გამოყენების შესახებ სხვა არაფერია, თუ არა შანტაჟი“, - განაცხადა სიბიგამ.

ავტორი: ექსპრესნიუსი,

სოციალური ქსელები

სტუდენტებმა თსუ-ს ეზოში კარვები გაშალეს, სადაც ღამის გათენებას აპირებენ

„საქართველოს ბანკის“ ინიციატივით, მცირე და საშუალო ბიზნესებისთვის ვორქშოფები ჩატარდა

ზელენსკი - ყველა მახასიათებელი ადასტურებს, რომ რუსეთმა უკრაინას საკონტინენტთაშორისო ბალისტიკური რაკეტა ესროლა

ჰააგის სასამართლომ ბენიამინ ნეთანიაჰუს, იოავ გალანტისა და „ჰამასის“ ლიდერის, მოჰამედ დეიფის დაპატიმრების ორდერები გასცა