საქართველოს პრეზიდენტი სალომე ზურაბიშვილი ჯოზეფ ბორელს, საგარეო საქმეთა და უსაფრთხოების პოლიტიკის საკითხებში, ევროკავშირის უმაღლესი წარმომადგენლის პოსტზე ყოფნის პერიოდში გაწეული სამსახურისთვის, მადლობას უხდის.

როგორც ზურაბიშვილი სოციალურ ქსელ X-ზე წერს, საქართველო ბორელის მხარდაჭერას აფასებს.

„მადლობა, ძვირფასო ჯოზეფ ბორელ, თქვენი სამაგალითო სამსახურის, თავდადებისა და სიმტკიცისთვის. საქართველო ძლიერ აფასებს თქვენს ურყევ მხარდაჭერას მისი ევროპული მომავლისა და მისწრაფებების მიმართ“,- წერს ზურაბიშვილი და ამასთან ერთად, ესტონეთის ყოფილ პრემიერ-მინისტრ კაია კალასს საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის თანამდებობაზე დანიშვნას ულოცავს.

„გეოპოლიტიკური გამოწვევების ფონზე, შთამაგონებელია კიდევ ერთი ლიდერი ქალის, საქართველოს ძვირფასი მეგობრისა და ევროკავშირის გზაზე ჩვენი მხარდამჭერის ნახვა ევროპული საგარეო მოქმედების სამსახურის უმაღლეს წარმომადგენლად.

ვულოცავ კაია კალასს ახალი პერსპექტივებისა და ძლიერი ხელმძღვანელობის შემოტანას კომპლექსურ ლანდშაფტში ნავიგაციისთვის“,- წერს საქართველოს პრეზიდენტი.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს