დროებით ოკუპირებულ აფხაზეთში „ვადამდელი საპრეზიდენტო არჩევნები“, შესაძლოა, 15 ან 16 თებერვალს ჩატარდეს. ამის შესახებ ინფორმაციას რუსული პროპაგანდისტული მედია TACC-ი ოკუპირებული აფხაზეთის ე.წ. ცენტრალური საარჩევნო კომისიის წევრზე დაყრდნობით ავრცელებს.

„საარჩევნო კომისიის“ წევრის განცხადებით, „არჩევნების“ ჩატარების თარიღი ე.წ. პარლამენტმა უნდა დანიშნოს.

"არჩევნები პრეზიდენტის გადადგომის დღიდან სამი თვის ვადაში უნდა ჩატარდეს. ასლან ბჟანიამ თანამდებობა დატოვა და პარლამენტმა იგი 19 ნოემბერს მიიღო, რაც იმას ნიშნავს, რომ კონსტიტუციით არჩევნები სამი თვის ვადაში, ანუ 19 თებერვლამდე უნდა ჩატარდეს. რადგან აფხაზეთში არჩევნები ყოველთვის შაბათ-კვირას იმართება, ეს შეიძლება შაბათს, 15 თებერვალს ან კვირას, 16 თებერვალს იყოს",- განაცხადა „საარჩევნო კომისიის“ წევრმა.

შეგახსენებთ, გუშინ, 19 ნოემბერს დროებით ოკუპირებული აფხაზეთის ე.წ. პარლამენტმა "პრეზიდენტ", ასლან ბჟანიას გადადგომას მხარი დაუჭირა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს