ახლა დავიშალოთ, დღის განმავლობაში დავიგეგმებით და შეგატყობინებთ შემდეგ ნაბიჯს,- ამის შესახებ "კოალიცია ცვლილებისთვის" ერთ-ერთმა ლიდერმა, ზურაბ ჯაფარიძემ მელიქიშვილის გამზირზე აქციის მონაწილეებთან საუბრისას განაცხადა.

როგორც ჯაფარიძემ აღნიშნა, "ახალი ძალების მოსაკრებად და ახალ გეგმაზე გადასაწყობად რამდენიმე საათია საჭირო და ამ ეტაპზე მელიქიშვილზე, პოლიციის წინ დგომა, არაფრისმომტანია".

"ამ ადგილას აქცია დავგეგმეთ ისე, რომ სიურპრიზი ყოფილიყო მათთვის და ამან თავის შედეგი გამოიღო. დღე-ნახევარი დაბნეულები იყვნენ. ახლაც გასაკეთებელია, რომ გადავიგეგმოთ და განსხვავებული რამეა მოსაფიქრებელი. მეორე დღეს აქ დგომა და მელიქიშვილს გადაკეტვა შინაარსს არის მოკლებული, რადგან მათთვის ეს დისკომფორტი არაა, უბრალოდ ჩვენ დავიღლებით ამიტომ, გადავწყვიტეთ, ახლა დავიშალოთ, დავისვენოთ და დღის განმავლობაში გადავიგეგმებით და შეგატყობინებთ, რას გავაკეთებთ. მოვიფიქრებთ რამე ისეთს, რაც სიურპრიზი იქნება და იმათ წყობიდან გამოიყვანს",- განაცხადა ჯაფარიძემ.

შეგახსენებთ, დღეს, 20 ნოემბერს სამართალდამცველებმა თბილისში, ჭავჭავაძისა და მელიქიშვილის გამზირები აქციის მონაწილეებისგან გაათავისუფლეს. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს