26 ოქტომბრის არჩევნებზე საერთაშორისო გამოძიებაზე უკვე მიიღეს გადაწყვეტილება, რაც ადასტურებს იმ ფაქტს, რომ ევროპარლამენტში მიტაცებულ არჩევნებს საერთაშორისო აღიარება არ ექნება,- ამის შესახებ „ერთიანობა - ნაციონალური მოძრაობის“ თავმჯდომარემ, თინა ბოკუჩავამ განაცხადა ბრიუსელში, სადაც ის ევროპარლამენტარებს და ევროკავშირის წევრი ქვეყნების საგარეო მინისტრებს ხვდება.

როგორც ბოკუჩავა ამბობს, არჩევნების არღიარება არის საფუძველი ხელახალი არჩევნების ჩანიშვნის. 

„დღეს ძალიან მნიშვნელოვანი დღეა ევროპარლამენტში. 1 000 დღე გავიდა რუსეთის შეჭრიდან უკრაინაში, სადაც პრეზიდენტი ზელენსკი ასევე მიმართავს ევროპარლამენტარებს. ჩვენ დილიდან გვქონდა შეხვედრები ევროპარლამენტარებთან, განვიხილეთ 26 ოქტომბრის მიტაცებული არჩევნები, მომავალ კვირას ასევე იქნება ევროპარლამენტის რეზოლუცია საქართველოზე, სადაც იქნება საუბარი არჩევნების არ აღიარებაზე, გამოძიების მნიშვნელობაზე. ეს გადაწყვეტილება უკვე მიღებულია გამოძიებასთან დაკავშირებით, ამაზე საუბრები გვქონდა ევროკომისიაში, საგარეო უწყებაში, უშუალოდ საგარეო მინისტრებთან, რომლებმაც გადაწყვეტილება მიიღეს გადაწყვეტილებასთან დაკავშირებით. ასე რომ, მნიშვნელოვანი მომენტია აქ ბრიუსელში, ევროპარლამენტში და ფაქტია, რომ 26 ოქტომბრის მიტაცებულ არჩევნებს საერთაშორისო აღიარება არ ექნება, რაც არის საფუძველი ხელახალი არჩევნების ჩანიშვნის“,- აცხადებს ბოკუჩავა, როგორც ამას „ნაციონალური მოძრაობის“ პრესსამსახური იტყობინება.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს