დროებით ოკუპირებული აფხაზეთის ე.წ. პარლამენტმა „პრეზიდენტის“, ასლან ბჟანიას გადადგომას მხარი დაუჭირა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ავრცელებს.

მედიის ცნობით, ფარული კენჭისყრით ბჟანიას გადადგომას მხარი 28 ე.წ. დეპუტატმა დაუჭირა, ერთი წინააღმდეგ წავიდა, 2 ბიულეტენი კი ბათილად ცნეს.

მანამდე ცნობილი გახდა, რომ ოკუპირებული აფხაზეთის ე.წ. ხელისუფლებისა და „ოპოზიციის“ წარმომადგენლებმა მოლაპარაკებების შემდეგ ხელი მოაწერეს „შეთანხმებას“, რომლის მიხედვითაც, ე.წ. პრეზიდენტმა, ასლან ბჟანიამ, „თანამდებობიდან“ გადადგომაზე თანხმობა განაცხადა.

„შეთანხმების“ თანახმად, ბჟანიას მოვალეობას კი ე.წ. ვიცე-პრეზიდენტი ბადრა გუნბა შეასრულებს.

თანამდებობას ასევე ტოვებს ე.წ. პრემიერ-მინისტრი ალექსანდრე ანქვაბი და მის მოვალეობას ე.წ. ყოფილი პრემიერ-მინისტრი ვალერი ბგანბა შეასრულებს. ამასთან, „შეთანხმება“ ითვალისწინებს, რომ საპროტესტო აქციის მონაწილეებმა ოკუპირებული აფხაზეთის ე.წ. სამთავრობო შენობები დღეს უნდა დატოვონ.

შეგახსენებთ, ოკუპირებული აფხაზეთის ე.წ. პრეზიდენტმა, ასლან ბჟანიამ თანამდებობიდან გადადგომის შესახებ განცხადებით „პარლამენტის თავმჯდომარეს“ დღეს, 19 ნოემბერს მიმართა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს