ეს ადამიანები არიან მავნებლები, რომლებიც ყოველთვის ცდილობდნენ, რომ ქვეყანა დაეზიანებინათ და ამას ახლაც აგრძელებენ,- ამის შესახებ დედაქალაქის მერმა, კახა კალაძემ მედიასთან ოთხი ოპოზიციური პარტიის მიერ ევროკავშირის წევრი ქვეყნების საგარეო საქმეთა მინისტრებისთვის გაგზავნილ წერილზე საუბრისას განაცხადა.

კალაძის თქმით, „მსგავსი წერილის გაგზავნა არის მოღალატეობრივი ქმედება, რათა ქვეყანა დააზიანონ“.

„მსგავსი შინაარსის წერილის გაგზავნა არის მოღალატეობრივი ქმედება. წერილი არ ყოფილა საჯარო და მათივე პარტიის წევრებმა მოგვაწოდეს. ეს ადამიანები თავიანთი ქმედებებით არიან მავნებლები, ყოველთვის ცდილობდნენ და ახლაც აგრძელებენ ქვეყნის დაზიანებას. გავიხსენოთ ასოცირების ხელშეკრულების დადების ფაქტი - ჰქონდათ მცდელობა, ეს პროცესი შეეჩერებინათ. ასევე, ვიზალიბერალიზაციის ამოქმედების დროს ყველაფერს აკეთებდნენ, რომ საქართველოს მოქალაქეებს უვიზო მიმოსვლის შესაძლებლობა არ ჰქონოდათ. იგივე ხდებოდა ევროკავშირის წევრობის კანდიდატის სტატუსის მიღებასთან დაკავშირებით -  კაბინეტებში დარბოდნენ, რომ როგორმე ქვეყანას აღნიშნული სტატუსი არ მიეღო. ამისთვის ყველა საერთაშორისო პლატფორმა გამოიყენეს. ამ სიბინძურეში ჩართული იყო სალომე ზურაბიშვილიც, რომელიც პირდაპირ აკეთებდა მოწოდებებს, რომ ქვეყანა არ იმსახურებდა სტატუსის მიღებას. 

ამ ყველაფრის მიუხედავად, ჩვენ ქართველ ხალხთან ერთად, ვისაც სამშობლო უყვარს და მისი განვითარება-წინსვლა უხარია, ყველაფერს გავაკეთებთ. პირველ რიგში, შევინარჩუნებთ მშვიდობას და მოვახდენთ ეკონომიკურ განვითარებას“,- აღნიშნა კალაძემ. 

ავტორი: NS (სტატია დაფინანსებულია),

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს