ცენტრალური საარჩევნო კომისიის თავმჯდომარის, გიორგი კალანდარიშვილის სახლთან ახალგაზრდები მივიდნენ. სამოქალაქო აქტივისტებს, რომლებიც ცესკოს თავმჯდომარის საცხოვრებელი სახლის მიმართულებით გადაადგილდებიან, უცნობი პირები თავს დაესხა და ფიზიკურად გაუსწორდნენ.

აქტივისტები ამბობენ, რომ აგრესიული პირები მოგზავნილები არიან. მათი თქმით, "ოცნების" ე.წ. ტიტუშკები სავარაუდოდ ცესკოს თავმჯდომარის მეზობლები არიან. პოლიციელებს თავდამსხმელები არ დაუკავებიათ, ისინი იქვე მდებარე კორპუსის სადარბაზოში შევიდნენ. 

ადგილი ჰქონდა პოლიციასა და აქტივისტებს შორის სიტყვიერ შელაპარაკებას.

ადგილზე იმყოფება პოლიციის თბილისის მთავარი სამმართველოს უფროსის მოადგილე გოგა მენანიშვილი. როგორც მან ჟურნალისტებს განუცხადა, აქციის მონაწილეები აგრესიულად იყვნენ განწყობილი და თავს ესხმოდნენ ადგილობრივ მაცხოვრებლებს.

"აქციის მონაწილეები დაპირისპირებაში შედიან აქ მაცხოვრებლებთან. ადგილობრივები მოვაცილეთ ტერიტორიას თუმცა აქციის მოაწილეები მაინც აყენებდნენ სიტყვიერ შეურაცყოფას. რომ არ დაიძაბოს სიტუაცია და არ გადაიზარდოს სიტყვიერ და ფიზიკურ დაპირისპირებაში, აქციის მონაწილეებს ტერიტორიას ვარიდებთ." - გააცხადა გოგა მემანიშვილმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს