პრეზიდენტ ჯო ბაიდენის მრჩეველმა ეროვნული უსაფრთხოების საკითხებში ჯეიკ სალივანმა განაცხადა, რომ ბაიდენმა ტრამპთან საუბარში ხაზგასმით აღნიშნა: უკრაინის შემდგომი მხარდაჭერა რუსეთის ფედერაციის წინააღმდეგ თავდაცვით ომში შეესაბამება შეერთებული შტატების ეროვნულ ინტერესებს. თავად ტრამპმა, The New York Post-ის (NYP) ჟურნალისტის კითხვაზე პასუხის გაცემისას განაცხადა, რომ საუბრის მნიშვნელოვანი ნაწილი ახლო აღმოსავლეთში სამხედრო კონფლიქტს დაეთმო. „მინდოდა მცოდნოდა მისი (ბაიდენის) შეფასება სიტუაციის შესახებ და რას ფიქრობდა იგი“, - ციტირებს გაზეთი არჩეულ პრეზიდენტის.

აშშ-ის პრეზიდენტი ჯო ბაიდენი დაჰპირდა თავის წინამორბედ და მემკვიდრე დონალდ ტრამპს, რომ უფლებამოსილების გადაცემა შეუფერხებლად წარიმართებოდა.

მათი შეხვედრა ოთხშაბათს, 13 ნოემბერს, ვაშინგტონში, თეთრ სახლში შედგა. 81 წლის დემოკრატმა და 78 წლის რესპუბლიკელმა ხელი ჩამოართვეს ოვალური ოფისის ანთებული ბუხრის წინ. "პოლიტიკა რთული ბიზნესია და ხშირ შემთხვევაში ეს არ არის ძალიან ლამაზი სამყარო. მაგრამ დღეს ეს მშვენიერი სამყაროა და მე ნამდვილად ვაფასებ მას", - განუცხადა ტრამპმა ჟურნალისტებს შეხვედრის შემდეგ.

თეთრი სახლის პრესმდივნის კარინე ჟან-პიერის განცხადებით, პოლიტიკოსებს შორის საუბარი დაახლოებით ორ საათს გაგრძელდა.

„მათ განიხილეს ეროვნული უსაფრთხოებისა და საშინაო პოლიტიკის მნიშვნელოვანი საკითხები, რომლებიც ქვეყნის და მსოფლიოს წინაშე დგას“, - განუცხადა მან პრესას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალი აქციებით ვაჭრობის მიმართულებით საქართველოში საუკეთესო საინვესტიციო ბანკად დასახელდა - Euromoney-ს ჯილდო

რამდენს ხარჯავს ხელისუფლება პროპაგანდაში - MDF-ის 2025 წლის ანგარიშში მედიის ფინანსურ გამჭვირვალობაზე

თიბისის მხარდაჭერით, თბილისში იაპონური ავანგარდული ფოტოგრაფიის გამორჩეული ნამუშევრების პირველი გამოფენა მოეწყო

აქტივისტი გიორგი კირვალიძე 7 დღიანი პატიმრობის მერე იზოლატორთან ხელახლა დააკავეს