მთავრობის ადმინისტრაციის შენობასთან „პანორამა თბილისის“ საწინააღმდეგო აქცია გაიმართა.

აქციის მონაწილეები თავისუფლების მოედანზე შეიკრიბნენ, შემდეგ კი, მსვლელობით მთავრობის ადმინისტრაციის შენობასთან გადაინაცვლეს.

როგორც ადგილიდან „ექსპრესნიუსის“ კორესპონდენტი იუწყება, აქციის მონაწილეები „პანორამა თბილისის“ პროექტისთვის სხვა ადგილის შერჩევას და პრემიერთან შეხვედრას ითხოვდნენ. მათივე განცხადებით, თუ მოთხოვნები არ შესრულდება, ისინი უკიდურეს ზომებს მიმართავენ.

„ეს ქალაქი არ იყო არც მიხეილ სააკაშილის ყანა და არ იქნება არც ივანიშვილის ყანა, რომ სადაც რა უნდა ის განათავსონ. ჩვენ ვითხოვთ პრემიერ-მინისტრთან შეხვედრას და თუ ის არის საქართველოს პრემიერ-მინისტრი და არა პირადად ბიძინა ივანიშვილის, ის შეხვდება საკუთარ მოქალაქეეებს, მოხდება ამ თემის განხილვა და ყველა ერთად გადაწყვეტს, სად უნდა განთავსდეს ეს პროექტი. პროექტის განორციელება იქ, სადაც იგეგმება, არ მოხდება“, - განაცხადა თბილისის საკრებულოს დამოუკიდებელმა დეპუტატმა ალეკო ელისაშვილმა.

აქციის მონაწილეებს ადგილზე ტრანსფარანტები ჰქონდათ მიტანილი, წარწერით - „არა პანორამას“ „შეწყდეს მშენებლობა“ და სხვა. ადგილზე საპატრულო პოლიცია იყო მობილიზებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა