ვიღაცა ცდილობს, მოიპაროს თქვენი დემოკრატია, თქვენი სწრაფვა ევროპისა და ნატოსკენ - ამის შესახებ ლიეტუვის სეიმის წევრმა ჟიგიმანტას პავილიონისმა რუსთაველის გამზირზე მიმდინარე აქციაზე სიტყვით გამოსვლისას განაცხადა. 

"ვიღაცა ცდილობს, რომ თქვენი თავისუფლება წაიღოს, ვიღაცა ცდილობს, რომ თქვენი დემოკრატია წაიღოს. თქვენი ქვეყანა, თქვენი წევრობა ევროკავშირსა და NATO-ში, არ დანებდეთ. იბრძოლეთ თქვენი თავისუფლებისთვის, იბრძოლეთ თქვენი დემოკრატიისთვის, იბრძოლეთ თქვენი ქვეყნისთვის, იბრძოლეთ თქვენი წევრობისთვის ევროკავშირსა და NATO-ში და გახსოვდეთ, არ არსებობს ევროკავშირში გაწევრიანების ორბანისეული გზა. არ არსებობს რუსული ოცნება, არსებობს ევროპული ოცნება და თქვენ ამ ევროპის ნაწილი ხართ. არის ესტონეთის გზა, პოლონეთის გზა, გერმანული გზა, ფრანგული გზა.

თქვენ უნდა იყოთ საუკეთესო, რომ ევროპაში შეხვიდეთ. გეგმა უნდა გქონდეთ, დანერგეთ ეს გეგმა. იმუშავეთ ამაზე, იმიტომ რომ ეს ტყუილად არავის ეძლევა. თავისუფლება უბრალოდ არავის ეძლევა. უნდა დაიმსახუროთ, მძიმე შრომით 24 საათის განმავლობაში და ჩვენ თქვენთან ერთად ვიქნებით ამ გზაზე. თქვენ ხართ ევროპა", - განაცხადა პავილიონისმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს