26 ოქტომბრის არჩევნებთან დაკავშირებით საერთაშორისო გამოძიების მოთხოვნა ჩვენი ქვეყნის კონსტიტუციისა და შიდა ინსტიტუციების უპატივცემულობაა,- ამის შესახებ დედაქალაქის მერმა, კახა კალაძემ განაცხადა.

როგორც კალაძემ აღნიშნა, “საქართველოში არჩევნები უმაღლეს დონეზე ჩატარდა“.

“რა უნდა გამოიძიონ, რა არის გამოსაძიებელი? თქვენ ამ ქვეყანას პატივს არ სცემთ? ჩვენი ქვეყნის კონსტიტუციას პატივს არ სცემთ? იმ ინსტიტუციებს, რომლებიც ქვეყნის შიგნით არის, პატივს არ სცემთ? მე კი ვიცი, თქვენ რა დამოკიდებულება გაქვთ ჩვენი ქვეყნის მიმართ, გრძნობა “სამშობლო“, პატრიოტიზმი, ქვეყნის სიყვარული საერთოდ არ გაგაჩნიათ, იმიტომ,  რომ როდესაც ხარ აგენტი და ატარებ სხვა ქვეყნის ინტერესს, ცხადია, ვერ გექნება ამ ქვეყნის სიყვარული, ატარებ სხვა ქვეყნის სიყვარულს. ცენტრალურმა საარჩევნო კომისიამ იმ სიცრუეებზე, იმ ბრალდებებზე, რასაც ვისმენდით, მიმართა საქართველოს პროკურატურას. პროკურატურა გამოვიდა და მიმართა იმ ადამიანებს, ვინც გამოდიოდა და იძახდა, რომ არჩევნები გაყალბდა, რომ აქვთ ფაქტები, არის მტკიცებულებები, მიმართა ზურაბიშვილს და სხვა ადამიანებს, რომ წარმოედგინათ ეს ყველაფერი. რა ქნეს, სად არის ეს ფაქტები და მტკიცებულებები? არ არსებობს ბუნებაში და რა უნდა წარმოადგინონ? ყველაფერი ცხადი და ნათელია, არჩევნები ჩატარდა უმაღლეს დონეზე. ნახეთ ეუთო/ოდირ-ის შეფასებაც, როგორც შუალედური, ისე საბოლოო. ყველაფერი ცხადია, რომ არჩევნები იყო მრავალპარტიული, სადაც ყველა ადამიანს ჰქონდა არჩევანის გაკეთების შესაძლებლობა. შესაბამისად, 1 120 000-მა ადამიანმა არჩევანი გააკეთა მშვიდობაზე, ქვეყნის ეკონომიკურ განვითარებაზე, წინსვლასა და ღირსებაზე“,- განაცხადა კალაძემ.

დედაქალაქის მერმა ვიზალიბერალიზაციის გაუქმებასთან დაკავშირებითაც ისაუბრა.

“ჩვენ მთელი ამ ხნის განმავლობაში ვისმენდით მტრულ განცხადებებს და იმ რიტორიკას, რომელიც კატეგორიულად მიუღებელია ჩვენთვის. ვისმენდით ისეთ განცხადებებს, რომ ეს ადამიანები არანაირ პატივს არ სცემენ ჩვენს სახელმწიფოებრიობას, სუვერენიტეტს და დამოუკიდებლობას. მაგათ მართლა თავისი კოლონია ხომ არ ვგონივართ, ამ განცხადებებით და მიდგომებით? შეიძლება სააკაშვილის პირობებში მართლა ასე იყო, მაგრამ დღეს საქართველოს ჰყავს ხელისუფლება, რომელიც, პირველ რიგში, ქართველი ხალხის ევროვნულ ინტერესს ატარებს და კეთილი ინებოს ყველამ, დასავლეთში იქნება ეს თუ სხვაგან, პატივი სცენ ამ ქვეყნის სუვერენიტეტს და დამოუკიდებლობას“,- განაცხადა კალაძემ.

ავტორი: NS (სტატია დაფინანსებულია),

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს