საუბარი იყო იმაზე კონკრეტულად, ევროკავშირმა რა შეიძლება დღეს გააკეთოს, რომ “ქართულმა ოცნებამ“ დანიშნოს ახალი არჩევნები და ამ არჩევნების საერთაშორისო არაღიარება მოხდეს,- ამის შესახებ კოალიცია “ძლიერი საქართველოს“ ერთ-ერთმა ლიდერმა, ანა დოლიძემ ევროკავშირის წევრი 8 ქვეყნის საგარეო ურთიერთობათა კომიტეტის თავმჯდომარეების დელეგაციისა და ოპოზიციური პოლიტიკური პარტიების წარმომადგენლების შეხვედრის დასრულების შემდეგ განაცხადა.

როგორც დოლიძემ მედიასთან საუბრისას აღნიშნა, შეხვედრაზე კონკრეტული პირების მიმართ სანქციების გამოყენებაზეც ისაუბრეს.

“საუბარი იყო იმაზე კონკრეტულად, ევროკავშირმა რა შეიძლება დღეს გააკეთოს, რომ “ქართულმა ოცნებამ“ დანიშნოს ახალი არჩევნები და ამ არჩევნების საერთაშორისო არაღიარება მოხდეს. საუბარი იყო სანქციების გამოყენებაზე კონკრეტული პირების მიმართ. ასევე სააარჩევნო კიმისიის თანამშრომლებისა და მაღალჩინოსნების მიმართ, ვისი მეთაურობითაც მოხდა გაყალბება. საუბარი იყო ყველა მექანიზმზე, საერთაშორისო გამოძებაზე, რომელიც რეალურია... ჩვენ ვითხოვთ საერთაშორისო გამოძიებას სასწრაფოდ და მალევე... მზად არის ევროკავშირი, ახლა ბიუროკრატიამ უნდა იმუშაოს რომ ეს ყველაფერი გატარდეს“,- განაცხადა დოლიძემ.

შეგახსენებთ, მანამდე, ევროკავშირის წევრი 8 ქვეყნის საგარეო ურთიერთობათა კომიტეტის თავმჯდომარეების დელეგაცია საქართველოს პრეზიდენტ სალომე ზურაბიშვილს ორბელიანების სასახლეში შეხვდა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს