ვოლოდიმირ ზელენსკი - გაბედული გადაწყვეტილებების გარეშე ტერორისგან დაცვა შეუძლებელია

2024-11-10 17:51:04, 769 ნახვა

ომი უკრაინაში

ტერორისგან დაცვა შეუძლებელია გაბედული გადაწყვეტილებების გარეშე,- ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

უკრაინის სახელმწიფოს მეთაურის განცხადებით, რუსული ტერორის სიტყვით შეჩერება შეუძლებელია.

„ამ კვირაში ჩვენი საჰაერო თავდაცვის ძალები დღე და ღამე მუშაობენ უკრაინის ცის რუსული ტერორისგან დასაცავად. წუხელ, რუსეთმა უკრაინის წინააღმდეგ რეკორდული - 145 „შაჰიდი“ და სხვა ტიპის დრონი გამოიყენა. მთელი კვირის განმავლობაში, რუსეთმა 800-ზე მეტი მართვადი საჰაერო ბომბი, დაახლოებით, 600 დრონი და თითქმის 20 სხვადასხვა ტიპის რაკეტა გაუშვა.

ასეთი ტერორის სიტყვებით შეჩერება შეუძლებელია და ბავშვების მკვლელობისა და საყვარელი ადამიანების დაკარგვის დავიწყება უბრალოდ შეუძლებელია.

ტერორისგან დაცვა შეუძლებელია გაბედული გადაწყვეტილებების გარეშე - ეს ყველა ქვეყნისთვის ნათელია. სამართლიანობის გარეშე არ არსებობს ხანგრძლივი მშვიდობა და უკრაინისთვის საკმაოდ რეალისტურია ამის მიღწევა“, - წერს ზელენსკი ფეისბუქის“ გვერდზე.