2024-11-10 13:53:45, 695 ნახვა
მსოფლიო
Reuters - ისრაელმა ჯაბალიაზე საჰაერო იერიში მიიტანა - დაღუპულია ათობით ადამიანი
ისრაელმა ღაზას სექტორის ჩრდილოეთში მდებარე ქალაქ ჯაბალიაზე საჰაერო თავდასხმა განახორციელა, რასაც ათობით ადამიანის სიცოცხლე ემსხვერპლა. ამის შესახებ ინფორმაციას სააგენტო Reuters-ი პალესტინელ მედიკოსებზე დაყრდნობით ავრცელებს.
პალესტინის ოფიციალური საინფორმაციო სააგენტო WAFA-ს ცნობით, დაღუპულთა რაოდენობა 32-ს აღწევს.
პარალელურად Aljazeera WAFA-ზე დაყრდნობით იუწყება, რომ მსხვერპლთა შორის 13 ბავშვია.
მათივე ინფორმაციით, ბევრი პალესტინელი დაშავდა, ზოგი კი უგზო-უკვლოდ დაკარგულად მიიჩნევა.
ავტორი: ექსპრესნიუსი,
epn.ge (@expressnews.ge)
