კოალიცია "ძლიერი საქართველოს" წევრი საბა ბუაძე, არჩევნების სავარაუდო გაყალბების ფაქტზე მიმდინარე გამოძიების ფარგლებში, პროკურატურაში გამოკითხვაზე დაიბარეს.

როგორც ბუაძე სოციალურ ქსელ "ფეისბუქზე" წერს, არ აპირებს პროკურატურაში მისვლას და დაკითხვას მაგისტრი მოსამართლის წინაშე დაელოდება.

"ჩემი განწყობის გალამაზებაზე დილიდან იზრუნა ჩვენი სპეტაკი პროკურატურის წარმომადგენელმა, რომელმაც არჩევნების გაყალბების საქმესთან დაკავშირებით გამოკითხვაზე დამიბარა.ამ "პატიოსან" მკერავ-პროკურორთა სახლში მისვლას, ცხადია, არ ვაპირებ და ველოდები დაკითხვას მაგისტრი მოსამართლის წინაშე.ამასობაში, ვინმემ თუ მოისმინეთ პროკურატურისგან, რა ნაბიჯები გადაიდგა არჩევნების დღეს დადასტურებულ დანაშაულებრივ შემთხვევებზე?"- წერს ბუაძე.

შეგახსენებთ, არჩევნების სავარაუდო გაყალბების ფაქტზე მიმდინარე გამოძიების ფარგლებში, პროკურატურაში გამოკითხვაზე საქართველოს პრეზიდენტი სალომე ზურაბიშვილი, "ძლიერი საქართველოს" ლიდერი მამუკა ხაზარაძე, "კოალიცია ცვლილებისთვის" ერთ-ერთი ლიდერი ზურაბ ჯაფარიძე და "გახარია საქართველოსთვის" თავმჯდომარის მოადგილე ნათია მეზვრიშვილიც იყვნენ დაბარებული.

ავტორი: ექსპრესნიუსი,

სოციალური ქსელები

საჰაერო ძალები - რუსეთმა უკრაინის მიმართულებით საკონტინენტთაშორისო ბალისტიკური რაკეტა გაუშვა

სამელიორაციო სამუშაოები სიღნაღის მუნიციპალიტეტში მიმდინარეობს

„ბარდასი“ - საკანცელარიო მაღაზია ბორჯომში, რომელიც თიბისი ბიზნესის მხარდაჭერით განვითარდა

უკრაინის ომბუდსმენი კურსკის ოლქში, ალყაში მოხვედრილი უკრაინელი სამხედრო ტყვეების სავარაუდო დახვრეტის შესახებ ინფორმაციას ავრცელებს