"ჩვენ სულ მალე დავინახავთ, რომ ძალიან ბევრ ადამიანს გაუჭირდება, რადგან ბაზაში მოხვედრა ძალიან ძნელია", - ამის შესახებ თბილისის "ნაციონალური მოძრაობის" დეპუტატმა, სევდია უგრეხელიძემ კომუნალურ ვაუჩერებთან დაკავშირებულ ცვლილებაზე საუბრისას განაცხადა.

"ბიუჯეტის მიმართ ჩვენ ბევრი პრეტენზია გვქონდა, მაგრამ მთავარია ის, რაც ურტყამს ჩვენი თანამოქალაქეების მდგომარეობას. ამგვარად წესის შეცვლა ძალიან ცუდია. ცვლილება უნდა შესულიყო, თუმცა არა ასეთი. ისინი აპირებდნენ მხოლოდ 70 ათასი ქულის ქვემოთ მიეცათ ვაუჩერი. ეს იქნებოდა ძალიან დიდი ტრაგედია. კიდე კარგი ეს არ განახორციელეს, მაგრამ ესეც, რაც ახლა ხდება, 200 ათასი ქულის ქვემოთ, ესეც არის არასაკმარისი, ვინაიდან, მხოლოდ 100 ათასი ოჯახი დაფინანსდება, ხოლო 290 ათასი რჩება დაფინანსების გარეშე.

დაახლოებითი ციფრები გახლავთ ეს. ჩვენ სულ მალე დავინახავთ, რომ ძალიან ბევრ ადამიანს გაუჭირდება, რადგან ბაზაში მოხვედრა ძალიან რთული გახდა. სოციალური ბაზები არის ძალიან დაუხვეწავი. ფორმულა შეიცვალა და ძალიან ბევრი ადამიანი ბაზების გარეშე დარჩა. ნოემბრიდან დააკლდებათ ეს 100 ლარი. 14 მილიონი არ არის ის თანხა, რომლის ეკონომიაც უნდა გაეკეთებინათ სოციალურად შეჭირვებულების ხარჯზე და გადაეტანათ სხვაგან, მაგალითად, ჯანდაცვაში. ამას ჯობდა, ეკონომია თავიანთ ჯიბეებზე გააკეთონ", - განაცხადა სევდია უგრეხელიძემ.

შეგახსენებთ, მიმდინარე წლის მარტის თვიდან კომუნალურ ვაუჩერს მხოლოდ ის ოჯახი მიიღებს, რომელთა სარეიტინგო ქულა 200 ათასზე ქვევითაა. შესაბამისი ცვლილება, თბილისის მუნიციპალიტეტის 2016 წლის ბიუჯეტში შევიდა, რომელიც დედაქალაქის საკრებულოს დღევანდელ რიგგარეშე სხდომაზე დამტკიცდა.

ჯანდაცვისა და სოციალური მომსახურების საქალაქო სამსახურის უფროსის, გელა ჩივიაშვილის განცხადებით, თბილისის ბიუჯეტი ამ მიმართულებით თვეში 9 მილიონამდე ლარს გასცემდა. ცვლილების შემდეგ კი, 5 მილიონამდე ლარის გაცემა მოუწევს. დაზოგილი თანხა სოციალურ პროგრამებს მოხმარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა

გვარამია- პირველად ისტორიაში, ევროკავშირთან ბევრად ახლოს და რუსეთისგან ბევრად შორს არიან სომხები