თბილისში, რუსთაველის გამზირზე გამართული აქციის მონაწილეები პარლამენტის სასახლის მიმდებარე ტერიტორიიდან ბარათაშვილის ხიდისკენ მიემართებიან, სადაც „გამაფრთხილებელი პიკეტირება“ იგეგმება.

ამ წუთებში მოქალაქეები იუსტიციის სახლის მიმდებარე ტერიტორიაზე იმყოფებიან.

აღსანიშნავია, რომ საპროტესტო აქციაზე შეკრებილ მოქალაქეებს ბარათაშვილის ხიდის „გამაფრთხილებელი პიკეტირების“ ინიციატივით კოალიცია „ძლიერი საქართველოს“ ლიდერმა, მამუკა ხაზარაძემ მიმართა.

მანამდე აქციაზე ოპოზიციური პოლიტიკური ლიდერების სიტყვით გამოსვლები მიმდინარეობდა.

შეგახსენებთ, შეკრება 3-მა ოპიზიციურმა კოალიციამ - „კოალიცია ცვლილებისთვის“, „ერთიანობა - ნაციონალური მოძრაობა“ და „ძლიერი საქართველო“ - 31 ოქტომბერს, ერთობლივ საგანგებო ბრიფინგზე დააანონსა.

ოპოზიციური კოალიციები, რომლებმაც 2024 წლის საპარლამენტო არჩევნებზე 5%-იანი ბარიერი გადალახეს, „ქართულ ოცნებას“ არჩევნების შედეგების მოპარვაში ადანაშაულებენ და  საერთაშორისო ადმინისტრაციის მიერ, საპარლამენტო არჩევნების ხელახლა ჩატარებას მოითხოვენ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს