2024-10-31 10:20:20, 766 ნახვა
ომი უკრაინაში
ხარკოვზე რუსეთის იერიშის შედეგად 2 ადამიანი დაიღუპა, 34 კი დაშავდა [ვიდეო]
რუსეთის შეიარაღებულმა ძალებმა ხარკოვზე სარაკეტო იერიში მიიტანეს. ამის შესახებ ინფორმაციას "უკრაინსკაია პრავდა" ავრცელებს.
მედიის ცნობით, თავდასხმა მრავალსართულიან საცხოვრებელ კორპუსზე განხორციელდა, რის შედეგადაც 2 ადამიანი დაიღუპა, ხოლო 34 დაშავდა.
უკრაინის პრეზიდენტი ვოლოდიმირ ზელენსკი შემთხვევის ადგილის ვიდეოკადრებს Telegram-ზე აქვეყნებს და წერს, რომ ნანგრევებში, შესაძლოა, ადამიანები იყვნენ.
"ჩვენი პარტნიორები ხედავენ, რაც ყოველდღიურად ხდება. მათი გადაწყვეტილებები - ჩვენი ხალხის სიცოცხლეა. ამიტომ, ჩვენ ერთად უნდა შევაჩეროთ რუსეთი და გავაკეთოთ ეს ყველა შესაძლო საშუალებით",- წერს ზელენსკი.
ავტორი: ექსპრესნიუსი,
epn.ge (@expressnews.ge)
