მზად ვართ, გავაგრძელოთ მოლდოვის გამძლეობის, უსაფრთხოებისა და დემოკრატიის მხარდაჭერა ევროკავშირში გაწევრიანების გზაზე,- ამის შესახებ ევროკავშირის საგარეო პოლიტიკური უწყების ხელმძღვანელი ჯოზეფ ბორელი სოციალურ ქსელ X-ზე წერს.

როგორც ბორელი აცხადებს, რუსეთისა და მისი მოკავშირეების მხრიდან ჰიბრიდული ომის წარმოების მიუხედავად, მოლდოვის ხელისუფლებამ არჩევნები წარმატებით ჩაატარა.

"რუსეთისა და მისი მოკავშირეების მხრიდან ჰიბრიდული ომის წარმოების მიუხედავად, მოლდოვის ხელისუფლებამ წარმატებით ჩაატარა არჩევნები და საკონსტიტუციო რეფერენდუმი. ჩვენ მზად ვართ, გავაგრძელოთ მოლდოვის გამძლეობის, უსაფრთხოებისა და დემოკრატიის მხარდაჭერა ევროკავშირში გაწევრიანების გზაზე",- წერს ბორელი.

შეგახსენებთ, მოლდოვაში ჩატარებული რეფერენდუმის მიხედვით, ამომრჩევლის 50,46%-მა კითხვას, "ემხრობა თუ არა კონსტიტუციის შეცვლას მოლდოვის რესპუბლიკის ევროკავშირში გაწევრიანების მიზნით?" დადებითი პასუხი გასცა. რაც შეეხება საპრეზიდენტო არჩევნებს, რომელიც საკონსტიტუციო რეფერენდუმის პარალელურად გაიმართა, მისი შედეგებით, მოქმედი პრეზიდენტი მაია სანდუ 42.45%-ით ლიდერობს, მისი კონკურენტი ალექსანდრე სტოლიანოგლო კი, მეორე ადგილს 29,98%-ით იკავებს. აღნიშნული შედეგით, მოლდოვაში საპრეზიდენტო არჩევნების მეორე ტური გაიმართება, რომელიც 3 ნოემბერს დაინიშნა. 

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო