2024-10-17 11:10:50, 592 ნახვა
ომი უკრაინაში
რუსებმა კიევს დრონებით შეუტიეს - დაზიანებულია საცხოვრებელი კორპუსი
17 ოქტომბრის ღამეს, რუსეთმა კიევზე დრონებით იერიში მიიტანა. ამის შესახებ ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს.
როგორც კლიჩკო Telegram-ზე წერს, თავდასხმის შედეგად დესნიანის რაიონში საცხოვრებელი კორპუსი დაზიანდა.
მსხვერპლისა და დაშავებულების შესახებ ინფორმაცია არ გავრცელებულა.
დედაქალაქში საჰაერო განგაში 4-ჯერ იყო გამოცხადებული, თავდასხმის საშიშროება 3,5 საათს გაგრძელდა.
ავტორი: ექსპრესნიუსი,
epn.ge (@expressnews.ge)
