მინდა, ვუთხრა ლიბანელ ხალხს: თქვენ იხდით საფასურს ბოროტი ტერორისტული რეჟიმისთვის, რომელსაც "ჰეზბოლა" ხელმძღვანელობს,- ამის შესახებ ისრაელის პრეზიდენტმა, ისააკ ჰერცოგმა ქალაქების - ჰაიფასა და კირიათ-ბიალიკის მონახულების შემდეგ განაცხადა.

ჰერცოგის თქმით, "ჰეზბოლა" მუდმივად ემუქრებოდა ჰაიფას, თუმცა აღნიშნული ქალაქის მოსახლეობა ძლიერი და მტკიცეა.

"მსოფლიომ უნდა გაიგოს, რომ ჩვენ არაერთხელ შევთავაზეთ, რომ მიგვეღწია მეგობრული გადაწყვეტილებისთვის ლიბანის საზღვართან დაკავშირებით. სამწუხაროდ, "ჰეზბოლამ" არაერთხელ თქვა უარი. მინდა, ვუთხრა ლიბანელ ხალხს: თქვენ იხდით საფასურს ბოროტი ტერორისტული რეჟიმისთვის, რომელსაც "ჰეზბოლა" ხელმძღვანელობს. კარგი, ღირსეული ცხოვრების ნაცვლად ქვეყანაში, რომელიც როდისღაც ახლო აღმოსავლეთის სიამაყე იყო, ახლა ლიბანი იხდის საფასურს და ეს საფასური სულ უფრო და უფრო მძიმდება",- განაცხადა ჰერცოგმა.

ცნობისთვის, გასული კვირებში ჰაიფასა და კირიათ-ბიალიკის ტერიტორიებზე "ჰეზბოლას" მხრიდან რაკეტებითა და უპილოტო საფრენი აპარატებით თავდასხმები განხორციელდა. ჰაიფასთან ახლოს, სამხედრო ბაზაზე თავდასხმის შედეგად 4 ისრაელელი ჯარისკაცი დაიღუპა, ხოლო 58 დაშავდა.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო