2024-10-14 16:38:55, 469 ნახვა

---

რუსეთის მიერ ოდესის პორტზე მიტანილ იერიშს ერთი ადამიანის სიცოცხლე ემსხვერპლა - დაშავებულია 8 პირი

რუსეთის მიერ ბალისტიკური რაკეტებით ოდესის პორტზე მიტანილ იერიშს ერთი ადამიანის სიცოცხლე ემსხვერპლა - დაშავებულია 8 პირი. ამის შესახებ ინფორმაციას უკრაინული მედია ავრცელებს.

ოდესის ოლქის სამხედრო ადმინისტრაციის ხელმძღვანელის, ოლეგ კიპერის განცხადებით, სარაკეტო შეტევის შედეგად დაზიანდა სამოქალაქო გემები და ბელიზისა და პალაუს დროშების ქვეშ მცურავი ხომალდები.

როგორც ქვეყნის შინაგან საქმეთა სამინისტროში აცხადებენ, დაშავებულები საავადმყოფოში გადაიყვანეს, 2 მათგანის მდგომარეობა ამ დრომდე მძიმეა. 

ცნობისთვის, რუსულმა ძალებმა ოდესის ოლქზე ბალისტიკური რაკეტებით იერიში 11 ოქტომბერსაც მიიტანეს, რის შედეგადაც დაიღუპა 4 და დაშავდა 10 ადამიანი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი