რუსეთმა ყირიმის ხიდის აფეთქების საქმესთან დაკავშირებით საქართველოს მოქალაქე ალექსანდრე ინასარიძესა და უკრაინის მოქალაქე სერგეი ანდრეიჩენკოზე სახელმწიფოთაშორისი ძებნა გამოაცხადა. ამის შესახებ ინფორმაციას რუსული სამთავრობო-პროპაგანდისტული მედია TASS-ი ბრალდებულების საქმის მასალებზე დაყრდნობით ავრცელებს.

TASS-ის ცნობით, რუსეთი საქართველოსა და უკრაინის მოქალაქეებს ხიდის აფეთქების მონაწილეებად მიიჩნევს.

"აღნიშნული სისხლის სამართლის საქმე 2024 წლის 14 თებერვალს რუსეთის ფედერაციის საგამოძიებო კომიტეტის მთავარ საგამოძიებო დეპარტამენტში აღიძრა საქართველოს მოქალაქე ინასარიძე ა.-სთან მიმართებით, რომელიც ბრალდებულია რუსეთის ფედერაციის სისხლის სამართლის საქმის 205-ე მუხლის მე-3 ნაწილის "ბ" პუნქტით გათვალისწინებული დანაშაულის ჩადენაში (ტერორისტული თავდასხმა, რომელმაც ადამიანის სიკვდილი გამოიწვია), სისხლის სამართლის საქმის 222.1 მუხლის მე-4 ნაწილით გათვალისწინებული დანაშაულის ჩადენაში (ასაფეთქებელი ნივთიერების უკანონო შეძენა პირთა ჯგუფის მიერ წინასწარი შეთანხმებით) და სისხლის სამართლის კოდექსის 226.1 მუხლის მე-3 ნაწილით გათვალისწინებული დანაშაულის ჩადენაში (ასაფეთქებელი ნივთიერებების კონტრაბანდა ორგანიზებული ჯგუფის მიერ).

უკრაინის მოქალაქე სერგეი ანდრეიჩენკო ბრალდებულია რუსეთის ფედერაციის სისხლის სამართლის კოდექსის 205-ე მუხლის მე-3 ნაწილის და 222.1 მუხლის მე-4 ნაწილის "ბ" პუნქტით გათვალისწინებული დანაშაულის ჩადენაში. ინასარიძე და ანდრეიჩენკო გამოცხადდნენ სახელმწიფოთაშორისი ძებნაში",- ნათქვამია საქმის მასალებში.

შეგახსენებთ, ყირიმის ხიდზე აფეთქება 2022 წლის 8 ოქტომბერს მოხდა. აფეთქების შედეგად რამდენიმე ადამიანი დაიღუპა.

ავტორი: ექსპრესნიუსი,

სოციალური ქსელები

ევროკავშირმა პირველად დაუწესა სანქციები ჩინურ ბანკებს რუსეთთან თანამშრომლობის გამო.

აზერბაიჯანმა პუტინთან კონფლიქტის გამო უარი თქვა დსთ-ს ეკონომიკურ საბჭოში მონაწილეობაზე

საფრანგეთის ელჩი საქართველოში: უვიზო რეჟიმის შეჩერების მექანიზმი წინასწარ შეთანხმებული პროცედურაა

თურქეთსა და საქართველოს შორის საზღვარი დროებით ჩაიკეტა.