2024-10-09 15:40:47, 415 ნახვა
მსოფლიო
ვოლოდიმირ ზელენსკი ხორვატიაში ჩავიდა
უკრაინის პრეზიდენტი ვოლოდიმირ ზელენსკი ხორვატიაში ჩავიდა, სადაც დაგეგმილ სამიტში "უკრაინა-სამხრეთ-აღმოსავლეთი ევროპა" მიიღებს მონაწილეობას და ორმხრივ შეხვედრებს გამართავს. ამის შესახებ ზელენსკიმ სოციალურ ქსელ X-ზე დაწერა.
როგორც ზელენსკი წერს, ვიზიტის ფარგლებში ხორვატიის პრემიერ-მინისტრს, ანდრეი პლენკოვიჩს შეხვდება.
"ჩავედი ხორვატიაში პრემიერ-მინისტრ ანდრეი პლენკოვიჩთან, რეგიონის სხვა ქვეყნების წარმომადგენლებთან შესახვედრად და უკვე მესამე სამიტში "უკრაინა-სამხრეთ-აღმოსავლეთი ევროპა“ მონაწილეობის მისაღებად. სამიტზე "უკრაინა+12 ქვეყანა“ ფორმატში განვიხილავთ საერთაშორისო ძალისხმევას მშვიდობის მიღწევისა და მშვიდობის ფორმულის რეალიზაციისთვის, ასევე ურთიერთქმედებას ევროკავშირსა და ნატოში გაწევრიანების გზაზე“,- წერს ზელენსკი.
ავტორი: ექსპრესნიუსი,
epn.ge (@expressnews.ge)
