24 თებერვალს 18:30-ზე საქართველოს მწერალთა სახლში გაიმართება პროექტის - „წიგნის საჯაროდ კითხვის მსოფლიო დღე“ -  დასკვნითი ღონისძიება, რომელზეც მოწვეული ავტორები: ეკატერინე ტოგონიძე, პაატა შამუგია და ტორესა მოსი, საჯაროდ წაიკითხავენ თავიანთ ნაწარმოებებს და წიგნიერების მნიშვნელობაზე ისაუბრებენ.

თბილისში წიგნის საჯაროდ კითხვის მსოფლიო დღე თბილისის მერიის კულტურული ღონისძიებების ცენტრის მხარდაჭერით აღინიშნება.

როგორც მერიაში აღნიშნავენ, წელს პირველად საქართველოს წიგნის გამომცემელთა და გამავრცელებელთა ასოციაციის ინიციატივით დაწესდება ტრადიციული პრემია და დასკვნითი ღონისძიების ფარგლებში პირველად გამოვლინდება „წლის წიგნის ქომაგი“.

წიგნის საჯაროდ კითხვის საერთაშორისო დღე ქვეყნის მასშტაბით ოთხ ქალაქში გაიმართება: თბილისში, ბათუმში, ქუთაისსა და ზუგდიდში.  მთელი დღის მანძილზე საქართველოს წიგნის გამომცემელთა და გამავრცელებელთა ასოციაციის ორგანიზებით იგეგმება თანამედროვე ქართველი ავტორების სტუმრობა სკოლებსა და უნივერსტეტებში. დასკვნით ღონისძიებაზე კი რეგიონებში მივლინებული ავტორები სკაიპჩართვით მოკლე ანგარიშს წარადგენენ იქ ჩატარებული ღონისძიებების შესახებ. ასევე ღონისძიებას დაესწრებიან პროექტის პარტნიორი ორგანიზაციები: ბიბლიოთეკები, წიგნის კლუბები, უნივერსტეტები და სხვა კერძო თუ საჯარო ორგანიზაციები,  რომლებმაც საქართველოს წიგნის გამომცემელთა და გამავრცელებელთა ასოციაციის მხარდაჭერითა თუ საკუთრი ინიციატივით 24 თებერვალს მთელი თბილისის მასშტაბით სხვადასხვა ტიპის ღონისძიებები გამართეს.

ასოციაციის მიერ დაგეგმილი ღონისძიება იმართება საერთაშორისო ორგანიზაცია „Litworld“-თან (http://www.litworld.org/) კონსულტაციით, რომელიც ამ ივენთის ორგანიზატორია საერთაშორისო მასშტაბით. ასევე მათი რესურსების საშუალებით გავრცელდება ინფორმაცია ღონისძიებაში საქართველოს მონაწილეობის შესახებ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ