2024-10-03 17:46:15, 362 ნახვა
ომი უკრაინაში
მარკ რუტე - უკრაინის მხარდაჭერის გაძლიერება და გამარჯვების უზრუნველყოფა ჩემს პრიორიტეტად და პრივილეგიად მიმაჩნია
მხარდაჭერის გაძლიერება და უკრაინის გამარჯვების უზრუნველყოფა, როგორც ნატოს გენერალურ მდივანს, ჩემს პრიორიტეტად და პრივილეგიად მიმაჩნია,- ამის შესახებ ნატოს გენერალურმა მდივანმა, მარკ რუტემ კიევში, უკრაინის პრეზიდენტთან, ვოლოდიმირ ზელენსკისთან ერთად გამართულ პრესკონფერენციაზე განაცხადა. რუტეს თქმით, ნატო უკრაინის მხარდაჭერას აგრძელებს. “ჩემთვის, ჩემი მანდატის დასაწყისში უკრაინაში ჩამოსვლა მნიშვნელოვანი იყო, რათა ნათლად მეჩვენებინა, როგორც თქვენთვის, უკრაინელი ხალხისთვის, ისე ყველასთვის, რომ ნატო უკრაინის მხარდაჭერას აგრძელებს. ამ მხარდაჭერის გაძლიერება და უკრაინის გამარჯვების უზრუნველყოფა, როგორც ნატოს გენერალურ მდივანს, ჩემს პრიორიტეტად და პრივილეგიად მიმაჩნია“,- განაცხადა მარკ რუტემ. ახლადარჩეულმა ნატოს გენერალურმა მდივანმა ასევე აღნიშნა, რომ უკრაინის მხარდაჭერა თავად მოკავშირეებსაც სჭირდებათ. “სწორედ ამიტომ ვართ უკრაინის მხარდაჭერის მიმართ ასეთი ერთგულები, რადგან თქვენი უსაფრთხოება ჩვენთვის მნიშვნელოვანია და თავისუფლებისთვის თქვენი ბრძოლა ჩვენს პრინციპებსა და ღირებულებებს გამოხატავს“,- აღნიშნა რუტემ. მან ასევე გაიხსენა, რომ მოკავშირეებმა უკრაინას “უპრეცედენტო მხარდაჭერა“ რუსეთის სრულმასშტაბიანი შემოჭრის შემდეგ უკვე გაუწიეს. ხაზგასმით აღნიშნა ისიც, რომ უსაფრთხოების 99% უკრაინას ნატოს წევრი ქვეყნებიდან ჰქონდა. შეგახსენებთ, რომ ნიდერლანდების ყოფილმა პრემიერ-მინისტრმა, მარკ რუტემ ნატოს გენერალური მდივნის პოსტი ოფიციალურად 1-ელ ოქტომბერს დაიკავა. ჯერ კიდევ პრემიერ-მინისტრად ყოფნისას მარკ რუტე ფრონტის ხაზზე, უკრაინაში ჩავიდა და ხარკოვს ეწვია, სადაც ხელი უკრაინისა და ნიდერლანდების უსაფრთხოების შესახებ შეთანხმებას მოაწერა და ვოლოდიმირ ზელენსკისთან ერთად, დაბომბილი სახლები მოინახულა. ავტორი: ექსპრესნიუსი, დანიგანი ივანიშვილზე - თავის კერძო ფინანსურ ინტერესებს საქართველოს ხალხის ინტერესებზე მაღლა აყენებს
კალაძე - ქვეყანას ჰყავს პრემიერობის ღირსეული კანდიდატი კობახიძის სახით, ლილუაშვილს კი საპასუხისმგებლო თანამდებობა უკავია
კობახიძე - რადიკალური ოპოზიცია წააგებს არჩევნებს და ერთადერთი, რისთვისაც ემზადებიან, არჩევნების შემდეგი დღეებია
კალაძე - ჩვენ არც ურთიერთობა გვეშლება და არც მეგობრობა, თუმცა ქვეყნის შიდაპოლიტიკურ საქმეებში არჩარევა პრინციპულად მნიშვნელოვანია
|
ომი უკრაინაშიმარკ რუტე - უკრაინის მხარდაჭერის გაძლიერება და გამარჯვების უზრუნველყოფა ჩემს პრიორიტეტად და პრივილეგიად მიმაჩნია
ზელენსკი - ნატოს დრონებისა და რაკეტების ჩამოგდება უკრაინის საჰაერო სივრცეში შეუძლია, თუმცა ამ საკითხზე თანხმობა ჯერ არ არის
არჩევნები 2024
კალაძე - წინასაარჩევნო პროცესი მშვიდ ვითარებაში მიმდინარეობს
კობახიძე - „ქართული ოცნება“ საარჩევნო პროგრამას 7 ან 9 ოქტომბერს წარადგენს
ვიდეო/LIVE საქართველოს დამოუკიდებლობის დღე - პირდაპირი
სინგაპურის სასამართლოს განაჩენი ივანიშვილის საქმეზე, რომელიც საქართველოში არასოდეს გამოქვეყნებულა
მთავარი თემა
|