8 ოქტომბერს, კაფე მზიურში დავით ხარატიშვილის ახალი წიგნის, მოთხრობების კრებულის - "გული ფარად", წარდგენა გაიმართება.

ღონისძიების ორგანიზატორია “ჩემი გამომცემლობა“, კრებულის რედაქტორი კი, ოლიკო ცისკარიშვილია.

ავტორისთვის ეს მეორე ნამუშევარია, რომელშიც თანამედროვე საზოგადოებისთვის აქტუალურ და მგრძნობიარე თემებზე შექმნილი თხზულებებია შესული. მათში აღწერილია მოვლენები, რომლებიც ქართულ სოციუმში, უახლოეს წარსულში განვითარდა და რომლებმაც მნიშვნელოვნად გამოკვეთა საზოგადოებაში არსებული სამოქალაქო ცნობიერების გააზრების კუთხით არსებული პრობლემები.

"საყოველთაოდ ბინძური საქმეები მშვიდ, მზიან დღეებში იგეგმებიან. როცა გაზაფხულის წყნარ საღამოს, ქალაქის მეჩხერ ხეთა ახალამოყრილ, ჯერ კიდევ ფაფუკ, რბილადშეღინღლულ ფოთლებს ჩამავალი მზის სხივი ოქროსფრად გალანდავს, მშვიდი, უბრალო ადამიანები ამ მშვენიერი სანახაობით, მდელოზე ფეხმორთხმულნი და სულგანაბულნი ტკბებიან, ძალითა და გავლენით უფალნი კი, ძვირად საეშმაკო ამბებს თხზავენ და მათთვის ხორცშესასხმელად გეგმებს აწყობენ, საბრძოლო ველს დაადგენენ და სამოქმედო ტაქტიკას განიხილავენ, სადაც ეს ლაღი, ბედნიერებით აღსავსე ადამიანები რიგით ჯარისკაცებად გამოჰყავთ. იმ ნეტარების ჟამს, როდესაც ისინი ლაჟვარდოვან ცაზე ნიავქართა სანავარდო ცეკვებით განცხრომას ეძლევიან, ხელისუფალნი მათ მომავალს წინასწარმეტყველებენ და იქ თავიანთ ბინძურ ხელებს მშვიდობის გარდასატეხად, მოურიდებლად აფათურებენ".

ღონისძიება 19:00 საათზე დაიწყება. დასწრება თავისუფალია.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით