იაპონიაში ვადამდელი საპარლამენტო არჩევნები 27 ოქტომბერს გაიმართება. ამის შესახებ ინფორმაციას იაპონური მედია ავრცელებს.

მედიის ცნობით, არჩევნების ნაადრევად გამართვის გადაწყვეტილება ქვეყნის პრემიერ-მინისტრობის ახალმა კანდიდატმა, შიგერუ იშიბამ მიიღო, რომელიც მმართველი "ლიბერალ-დემოკრატიული პარტიის" ახალ ლიდერად გასულ კვირას აირჩიეს.

მოქმედმა პრემიერმა, ფუმიო კიშიდამ, ჯერ კიდევ აგვისტოში განაცხადა, რომ პარტიის ლიდერობისთვის ბრძოლის გაგრძელებას აღარ გეგმავდა.

მთავრობის ახალი შემადგენლობის დასაკომპლექტებლად 67 წლის შიგერუ იშიბამ კანდიდატების შერჩევა უკვე დაიწყო. ისინი ვადამდელ არჩევნებში მასთან ერთად მიიღებენ მონაწილეობას.

შიგერუ იშიბა 2007-2008 წლებში იაპონიის თავდაცვის მინისტრის პოსტს იკავებდა.

ავტორი: ექსპრესნიუსი,

სოციალური ქსელები

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი