გრიპის უფასო ვაქცინა საქართველოში 15 ოქტომბრამდე შემოვა. დაავადებათა კონტროლის ეროვნული ცენტრის ინფორმაციით, იმუნიზაციის სახელმწიფო პროგრამის ფარგლებში, ვაქცინაციის მსურველებს ოქტომბრის მეორე ნახევრიდან ექნებათ საშუალება, აცრა გაიკეთონ.

იმუნიზაციის სახელმწიფო პროგრამის ფარგლებში საქართველომ ჯანდაცვის მსოფლიო ორგანიზაციის მიერ რეკომენდებული ოთხკომპონენტიანი ვაქცინის 200 ათასი დოზა შეიძინა.

როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ, პაატა იმნაძემ პირველ არხს განუცხადა, ვაქცინა ყველასთვის უფასო იქნება.

„პირველ რიგში რისკის ჯგუფები იქნება გამიზნული. ვაქცინაცია ოქტომბრის მეორე ნახევარში დაიწყება. ეს საკმაოდ დიდი დროა, რადგან საქართველოში გრიპის სეზონი, როგორც წესი, ნოემბრის ბოლოს იწყება და დეკემბერში შემთხვევების ზრდა იწყება. რესპირატორული ვირუსები ახლა დაფიქსირდა. ახლა შემოდგომაა, განსაკუთრებით საკმაოდ ცივა, ამიტომ გაციების ვირუსებმა უკვე დაიწყო ცირკულაცია“, - განაცხადა პაატა იმნაძემ.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ