ისრაელის თავდაცვის ძალები (IDF) აცხადებს, რომ ლიბანის დედაქალაქ ბეირუთზე განხორციელებული იერიშის შედეგად, "ჰეზბოლას" ლიდერი ჰასან ნასრალა ლიკვიდირებულია.

მათივე ინფორმაციით, ნასრალასთან ერთად, დაჯგუფების სხვა მეთაურების, მათ შორის, ე.წ. სამხრეთ ფრონტის მეთაურის, ალი კარაკის ლიკვიდაციაც განხორციელდა.

"ჰასან ნასრალა ვეღარ შეძლებს მსოფლიოს დატერორებას",- ნათქვამია IDF-ის განცხადებაში, რომელიც X-ზე გავრცელდა.

"ჰეზბოლას" აღნიშნულთან დაკავშირებით ოფიციალური განცხადება ჯერ არ გაუვრცელებია, თუმცა The Times Of Israel-ი დაჯგუფებასთან დაახლოებულ ანონიმურ წყაროზე დაყრდნობით წერს, რომ "ჰასან ნასრალასთან კონტაქტი პარასკევს საღამოს შეწყდა".

"დარტყმა განხორციელდა მაშინ, როდესაც "ჰეზბოლას" უმაღლესი რანგის წარმომადგენლები იმყოფებოდნენ თავიანთ შტაბში და იყვნენ ჩართულნი ტერორისტული მოქმედებების კოორდინაციაში ისრაელის სახელმწიფოს მოქალაქეების წინააღმდეგ",- აცხადებენ ისრაელელი სამხედროები.

ცნობისთვის, ისრაელმა ლიბანის დედაქალაქ ბეირუთის სამხრეთ ნაწილში, დაჰიეს გარეუბანში მდებარე "ჰეზბოლას" ცენტრალურ შტაბ-ბინაზე იერიში გასულ ღამეს მიიტანა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა