უკრაინის პრეზიდენტიას ვლოდიმერ ზელენსკისა და აშშ-ს ყოფილი პრეზიდენტის დონალდ  ტრამპის შეხვედრა ნიუ-იორკში, აშშ-ის ყოფილ პრეზიდენტს, Trump Tower-ის კომპლექსში შედგა.

 ვფიქრობ, თუ გავიმარჯვებ, ომის ძალიან სამართლიან დასასრულს მივიღებთ. მართლაც ძალიან სწრაფი გარიგება მოცდება. ეს უნდა შეწყდეს. და პრეზიდენტს [ზელენსკის] სურს, რომ ეს შეწყდეს. და დარწმუნებული ვარ, რომ პრეზიდენტ პუტინს სურს ამ ომის შეჩერება.  ეს კარგი კომბინაციაა. ასე რომ, ჩვენ გვსურს მივიღოთ სამართლიანი შეთანხმება ყველასთვის“, - თქვა ტრამპმა, რომელიც მოლაპარაკების შემდეგ უკრაინის პრეზიდენტის გვერდით იდგა.

მიუხედავად იმისა, რომ ტრამპი ჰპირდება უკრაინაში ომის დასრულებას 24 საათში, ის ზუსტად არ განმარტავს, როგორ აპირებს ამის მიღწევას. ზოგიერთი პოლიტიკოსი და ექსპერტი შიშობს, რომ ის შეეცდება დაარწმუნოს უკრაინა მოსკოვთან ტერიტორიულ დათმობებზე ან კონფლიქტის გაყინვაზე. კიევში ორივე ვარიანტს არაერთხელ უწოდებდნენ მიუღებლად.

პარასკევს, ჟურნალისტებმა ჰკითხეს ტრამპს, უნდა დათანხმდეს თუ არა უკრაინა მისი ზოგიერთი ტერიტორიის რუსეთს გადაცემას ომის დასრულების მიზნით, ტრამპმა უპასუხა: „ვნახოთ, როგორ განვითარდება მოვლენები“.

ტრამპმა შეხვედრა გახსნა იმით, რომ მას კარგი ურთიერთობა აქვს როგორც ზელენსკისთან, ასევე რუსეთის პრეზიდენტ ვლადიმერ პუტინთან. „ჩვენ ძალიან კარგი ურთიერთობა გვაქვს [ზელენსკისთან] და, როგორც მოგეხსენებათ, მე ძალიან კარგი ურთიერთობა მაქვს პრეზიდენტ პუტინთან. და ვფიქრობ, რომ თუ გავიმარჯვებთ, ყველაფერს ძალიან სწრაფად მოვაგვარებთ“, - განაცხადა ტრამპმა.

ამაზე პრეზიდენტმა ზელენსკიმ ღიმილით უპასუხა: „იმედი მაქვს, რომ ჩვენი ურთიერთობა თქვენთან უკეთესი იქნება“. "ტანგოს ორი სჭირდება", - იხუმრა ტრამპმა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა