საფრანგეთის პრეზიდენტი ემანუელ მაკრონი ამერიკის შეერთებულ შტატებს მოუწოდებს, ზეწოლა მოახდინოს ისრაელზე, რათა ლიბანში ცეცხლის შეწყვეტის შესახებ 21-დღიან გეგმას დათანხმდეს.

როგორც მაკრონი აცხადებს, საფრანგეთი ამ საკითხს გაეროს უშიშროების საბჭოში დააყენებს.

“მე მჯერა, რომ შეერთებულმა შტატებმა ახლა უნდა გაზარდოს ზეწოლა ისრაელის პრემიერ-მინისტრზე ამის გასაკეთებლად. ჩვენ ველით, რომ ყველა პარტნიორი იყოს ძალიან ხმამაღალი და ერთგული ჩვენთან, რათა გავაგზავნოთ ეს მკაფიო გზავნილი - ისრაელს არ შეუძლია დღეს ლიბანში შეჭრა. ომი დღეს ლიბანში შეუძლებელია, ეს იქნება უზარმაზარი შეცდომა, ესკალაციის უზარმაზარი რისკი. საფრანგეთი ამ საკითხს გაეროს უშიშროების საბჭოში დააყენებს“,- განაცხადა მაკრონმა.

მან აგრეთვე კანადის პრემიერ-მინისტრ ჯასტინ ტრიუდოსთან ერთობლივ პრესკონფერენციაზე თქვა, რომ საფრანგეთი წინააღმდეგია, "ლიბანი ახალი ღაზა გახდეს".

“არ მიმაჩნია, რომ პირველი კომენტარები ისრაელიდან საბოლოოა. ასე რომ, ჩვენ ბევრს ვიმუშავებთ მომდევნო საათებში, რათა დავარწმუნოთ ისრაელი, რომ შეწყვიტოს ცეცხლი 21 დღის განმავლობაში“,- აღნიშნა მაკრონმა.

შეგახსენებთ, ევროკავშირმა, აშშ-მა და მისმა მოკავშირე 10-მა ქვეყანამ ისრაელ-ლიბანის საზღვარზე 21-დღიანი ცეცხლის შეწყვეტა დიპლომატიური ძალისხმევის ფარგლებში მოითხოვა. 

ისრაელის საგარეო საქმეთა მინისტრმა, ისრაელ კაცმა უკვე უარყო საფრანგეთ-ამერიკის წინადადება 21-დღიანი ზავის შესახებ. პრემიერ-მინისტრმა, ბენიამინ ნეთანიაჰუმ კი, ისრაელელ სამხედროებს ბრძოლის "მთელი ძალით" გაგრძელება უბრძანა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა