ჩინეთი მტკიცედ უჭერს მხარს ლიბანს თავისი სუვერენიტეტისა და უსაფრთხოების დაცვაში,- ამის შესახებ ჩინეთის საგარეო საქმეთა მინისტრმა, ვანგ იმ ლიბანელ კოლეგასთან, აბდულა ჰაბიბთან ნიუ-იორკში შეხვედრისას განაცხადა.

ვანგ ის თქმით, ჩინეთი "საერთაშორისო ურთიერთობების ძირითადი ნორმების დარღვევას მკაცრად გმობს".

"როგორც არ უნდა შეიცვალოს სიტუაცია, ჩვენ ყოველთვის სამართლიანობისა და ჩვენი არაბი ძმების, მათ შორის ლიბანის მხარეს ვიქნებით. ჩვენ დიდ ყურადღებას ვაქცევთ რეგიონული სიტუაციის განვითარებას, განსაკუთრებით ბოლო დროს ლიბანში საკომუნიკაციო აღჭურვილობის აფეთქებას და მტკიცედ ვეწინააღმდეგებით მშვიდობიან მოსახლეობაზე თავდასხმებს. 

დღეს ისრაელმა მორიგი მასშტაბური საჰაერო დარტყმა განახორციელა ლიბანზე, რამაც გამოიწვია დიდი მსხვერპლი. ჩვენ მკაცრად ვგმობთ საერთაშორისო ურთიერთობების ძირითადი ნორმების დარღვევას",- განაცხადა ჩინეთის საგარეო საქმეთა მინისტრმა.

მისივე თქმით, "ძალადობასთან ძალადობით ბრძოლა არ გადაჭრის პრობლემებს ახლო აღმოსავლეთში და მხოლოდ უფრო დიდ ჰუმანიტარულ კატასტროფებს გამოიწვევს".

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა