პოლიტიკური ჰომოფობია და გენდერული უთანასწორობის თესვა ქვეყნის მმართველი პოლიტიკური ძალის დღის წესრიგად იქცა. სახელისუფლებო მედიასაშუალებებიც აქტიურად აწარმოებენ ჰომოფობიურ პროპაგანდას, იყენებენ სიძულვილის ენას და ამ გზით აღვივებენ ძალადობას საზოგადოებაში. სწორედ აღნიშნული გარემოებების შედეგია გუშინ მომხდარი შემზარავი მკვლელობა,- ამის შესახებ ნათქვამია განცხადებაში, რომელსაც "პარტნიორობა ადამიანის უფლებებისთვის" (PHR) ტრანსგენდერი ქალის, კესარია აბრამიძის მკვლელობასთან დაკავშირებით ავრცელებს.

PHR სოციალურ ქსელში გამოქვეყნებულ განცხადებაში მოუწოდებს სამართალდამცველ ორგანოებს, საქმის ეფექტური გამოძიება აწარმოონ.

"PHR-ის გუნდს გვსურს, გამოვეხმაუროთ ტრანსგენდერი ქალის, კესარია აბრამიძის, შემზარავ მკვლელობას. პირველ რიგში, "პარტნიორობა ადამიანის უფლებებისთვის" ღრმა მწუხარებას გამოთქვამს და უსამძიმრებს კესარიას ოჯახს. ამასთან, მოვუწოდებთ სამართალდამცავ უწყებებს, აწარმოონ საქმის ეფექტური გამოძიება და სამართლინად ჩაატარონ ყველა საჭირო საგამოძიებო მოქმედება.

აქვე აღვნიშნავთ, უკვე წლებია, პოლიტიკური ჰომოფობია და გენდერული უთანასწორობის თესვა ქვეყნის მმართველი პოლიტიკური ძალის დღის წესრიგად იქცა. სახელისუფლებო მედიასაშუალებებიც აქტიურად აწარმოებენ ჰომოფობიურ პროპაგანდას, იყენებენ სიძულვილის ენას და ამ გზით აღვივებენ ძალადობას საზოგადოებაში. სწორედ აღნიშნული გარემოებების შედეგია გუშინ მომხდარი შემზარავი მკვლელობა, ისევე, როგორც ზოგადად, ბოლო წლებში ქვიარ ჯგუფების მიმართ ჩადენილი დანაშაულები და ფემიციდის შემთხვევები",- აღნიშნულია PHR-ის განცხადებაში.

შეგახსენებთ, გუშინ, 18 სექტემბერს თბილისში, დიდ დიღომში ტრანსგენდერი ქალი კესარია აბრამიძე მოკლეს. დღეს, 19 სექტემბერს შინაგან საქმეთა სამინისტრომ გაავრცელა ინფორმაცია, რომლის მიხედვითაც, პოლიციამ გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობის ბრალდებით 1998 წელს დაბადებული ბ.ჯ. დააკავა. უწყების ცნობით, ბრალდებულმა ურთიერთშელაპარაკების ნიადაგზე, 1987 წელს დაბადებულ კ.ა.-ს საკუთარ საცხოვრებელ სახლში, ცივი იარაღით მრავლობითი ჭრილობა მიაყენა და შემთხვევის ადგილიდან მიიმალა. გამოძიება სისხლის სამართლის კოდექსის 109-ე მუხლის "თ" და "მ" პუნქტებით მიმდინარეობს, რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას გულისხმობს.

ავტორი: ექსპრესნიუსი,

სოციალური ქსელები

მიქანაძე - საარჩევნო ადმინისტრაციამ პრეზიდენტს აუხსნა რეგულაციები, რასაც კანონი საზღვარგარეთ საარჩევნო უბნების გახსნასთან დაკავშირებით ითვალისწინებს

ჭიაბერაშვილი - ევროპარლამენტი საქართველოს საკითხს განიხილავს და რეზოლუციას მიიღებს - ეჭვი არ ეპარებათ, რომ ხალხი ევროპული გზის არჩევანს გააკეთებს

მიქანაძე - „მთავარმა“, „ტვ-პირველმა“ და „ფორმულამ“ „ქართული ოცნების“ პოლიტიკური რეკლამის ეთერში განთავსებაზე უარი განაცხადეს, რაც სამართალდარღვევაა

Euromoney-იმ „თიბისი“ საქართველოში საუკეთესო სავალუტო სერვისების მომწოდებელ ბანკად დაასახელა