ფრანგი ევროკომისარი ტიერი ბრეტონი თანამდებობას ტოვებს. ამის შესახებ ბრეტონი სოციალურ ქსელ X-ზე განცხადებას ავრცელებს.

ბრეტონის ინფორმაციით, რამდენიმე დღის წინ, ევროკომისიის პრეზიდენტმა, ურსულა ფონ დერ ლაიენმა სთხოვა საფრანგეთს, რომ გაეწვია მისი კანდიდატურა ევროკომისიის ახალი შემადგენლობიდან "პირადი მიზეზების გამო", სანაცვლოდ შემდგომი წარმომადგენელი უფრო "გავლენიან თანამდებობას" მიიღებდა.

"ბოლო მოვლენების გათვალისწინებით მივხვდი, რომ ვეღარ შევძლებ ჩემი მოვალეობების შესრულებას. ამიტომ, დაუყოვნებლივ ვტოვებ ევროკომისრის თანამდებობას", - წერია ბრეტონის განცხადებაში.

ბრეტონის განცხადების შემდეგ საფრანგეთმა მის შემცვლელად საგარეო საქმეთა მინისტრ სტეფან სეჟორნეს კანდიდატურა დაასახელა.

ცნობისთვის, ტიერი ბრეტონის და ურსულა ფონ დერ ლაიენის ურთიერთობა ბოლო თვეების განმავლობაში დაიძაბა.

დაპირისპირება მას შემდეგ დაიწყო, რაც ბრეტონმა საჯაროდ ფონ დერ ლაიენის კანდიდატურის წარდგენა კომისიის მეთაურის პოსტზე მეორე ვადით გააკრიტიკა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა