თითოეული თქვენგანის მხარდაჭერა არის სასიცოცხლოდ მნიშვნელოვანი, - ასე მიმართა “ქართული ოცნების” გენერალურმა მდივანმა კახა კალაძემ გორში გამართულ შეხვედრაზე შეკრებულ მოსახლეობას. 

კალაძის თქმით, 26 ოქტომბრის საპარლამენტო არჩევნების გადამწყვეტია ჩვენი ქვეყნის მომავლისთვის.

"მოგესალმებით მეგობრებო, მივესალმები მთელ საქართველოს შუა ქართლიდან, ადგილიდან, რომელსაც „საქართველოს გულს" უწოდებენ.

მწამს და მჯერა, ოკუპაცია დროებითია, ხოლო ჩვენი ერთობა არის გარდაუვალი და მარადიული.
მეგობრებო, ალბათ ზედმეტია იმის ახსნა, რა მოუშუშებელ ჭრილობად ექცა საქართველოს 2008 წლის აგვისტოს ომი. კითხვა- რატომ აღიარა თავის დროზე „ნაციონალურმა მოძრაობამ" ომის დაწყება, რატომ მოაწერა ხელი რეზოლუციას, რომლის თანახმად ომი დაიწყო სააკაშვილის რეჟიმმა?- საჭიროებს პასუხის გაცემას. 

მაშინდელი ხელისუფლების წარმომადგენლები, რომლებმაც ვერ დაიცვეს საქართველოს მოსახლეობა, ვერ აარიდეს ქვეყანას ომი და უბედურება, დღესაც ცდილობენ  ისევ ომში ჩაგვითრიონ. უცხოური ძალების დაკვეთით, დღეს კიდევ უფრო გაშმაგებით ებრძვიან საკუთარ  ქვეყანას და საკუთარ ხალხს. თუმცა აქ მინდა ვუთხრა ყველას, სრულიად საქართველოს, რაც არ უნდა შემოტევები იყოს და რაც არ უნდა შეურაცხყოფები მოდიოდეს, რაც არ უნდა შანტაჟები და მუქარები იყოს, ქართველ კაცს ვერავინ დააჩოქებს და სანამ „ქართული ოცნება" არის ხელისუფლებაში, ყოველთვის დავიცავთ საქართველოს ინტერესს, ყოველთვის დავიცავთ ქართველი ხალხის ინტერესს.

დღეს ჩვენ გვეუბნებიან, რომ თითქოს დემოკრატიული თვალსაზრისით ქვეყანა უკან მიდის, გვეუბნებიან, რომ კანონი, რომელიც  მხოლოდ და მხოლოდ ერთ რამეს ითვალისწინებს - გამჭვირვალობას, თითქოს რუსულია. ამ ყველაფერს გვეუბნება ხალხი, ვინც სააკაშვილის ბოროტებას და რეჟიმს დემოკრატიის შუქურად მოიხსემიებს.

მე აღარ გავაგრძელებ იმაზე საუბარს, თუ რა ხდებოდა 2012 წლამდე ქვეყანაში, როგორი ძარცვა, გაუბედურება, კვლა ახალგაზრდების, ბიზნესების წართმევა და ეს ყველაფერი ინიღბებოდა დემოკრატიის შუქურით. დღეს ყველაფერი ცხადია და ხალხმა ძალიან კარგად იცის, ვინ არის მტერი და ვინ მოყვარე.

საპარლამენტო არჩევნებში  ჩვენი დამაჯერებელი გამარჯვების შედეგად,  2008 წლის აგვისტოს მოვლენები სამართლებრივად შეფასდება  და  ყველაფერს თავისი სახელი დაერქმევა .

რადგან ვერასდროს, ვერცერთმა ხელისუფალმა ვეღარ გაბედოს, ქვეყნის ინტერესები პირად ინტერესებს შესწიროს.

26 ოქტომბრის არჩევნები არის გადამწყვეტი ჩვენი ქვეყნის მომავლისთვის, ეს არის ერთგვარი რეფერენდუმი, ომსა და მშვიდობას შორის; ჩვენი ტრადიციული ფასეულობების შენარჩუნებასა და უსამშობლო ადამიანების მიერ თავსმოხვეულ პროპაგანდას შორის...

სწორედ ამიტომ, თითოეული თქვენგანის მხარდაჭერა არის სასიცოცხლოდ მნიშვნელოვანი.

დიახ, 26 ოქტომბერს ქუდზე კაცი უნდა გამოვიდეთ, რათა დავიცვათ საკუთარი არჩევანი და ამით დავიცვათ ჩვენი  ქვეყნის ხვალინდელი დღე,  შვილებისა და შვილიშვილების მომავალი.

გახსოვდეთ, რომ ზუსტად თქვენი ხმა არის ამ არჩევნებში გადამწყვეტი!

 "ქართული ოცნების" საკონსტიტუციო უმრავლესობით შესვლა პარლამენტში, საჭიროა არა პარტიის ლიდერებისთვის, არამედ ჩვენი ქვეყნის ერთიანობისათვის, საქართველოს მშვიდობიანი განვითარებისთვის და მისი ევროპული  მომავლისთვის.  და ეს ასეც იქნება!

ამ ბრძოლას ჩვენ ერთად მოვიგებთ და მთელ მსოფლიოს დავანახებთ, რომ ვართ ღირსეული ერი.

მხოლოდ მშვიდობით, ღირსებით, და კეთილდღეობით უზრუნველვყოფთ ქვეყნის ევროპულ მომავალს!

26 ოქტომბერი ჩვენი დღეა!

26 ოქტომბერს გაიმარჯვებს საქართველო!

გაიმარჯვებს მშვიდობა, კეთილდღეობა და  წინსვლა!

გაგიმარჯოთ ჩემო ქართველებო!

ღმერთი იყოს თქვენი და სრულიად საქართველოს მფარველი!", - განაცხადა კალაძემ.

ავტორი: NS (სტატია დაფინანსებულია),

სოციალური ქსელები

ხაზარაძე გახარიაზე - გავაგრძელებთ კონსულტაციებს - არ დამთავრებულა

ტილვარი - ნატოს საჰაერო სივრცეში რუსული თვითმფრინავების და რაკეტების განმეორებითი შეჭრის გამო B9-ის სახელმწიფოები შეშფოთებას გამოხატავენ

მუხიანში, IV ბ მიკრორაიონის N35 კორპუსთან საგზაო სამუშაოები მიმდინარეობს

საქართველოს გენერალურ პროკურატურაში ბრიფინგი გაიმართება