2024-09-11 16:46:57, 370 ნახვა
მსოფლიო
ირანის საგარეო საქმეთა მინისტრი - ირანს რუსეთისთვის ბალისტიკური რაკეტები არ გადაუცია
ირანს რუსეთისთვის ბალისტიკური რაკეტები არ გადაუცია, - ამის შესახებ ირანის საგარეო საქმეთა მინისტრი აბას არაღჩი სოციალურ ქსელ X-ზე წერს.
არაღჩის თქმით, აშშ და მისი მოკავშირეები ამტკიცებენ, რომ ირანმა რუსეთს ბალისტიკური რაკეტები გადასცა - "ისინი მცდარი სადაზვერვო მონაცემებით ხელმძღვანელობენ".
"ირანს რუსეთისთვის ბალისტიკური რაკეტები არ გადაუცია. წერტილი. სანქციების მომხრეებმა საკუთარ თავს უნდა კითხონ, თუ როგორ შეუძლია ირანს აწარმოოს და გაყიდოს ასეთი რთული იარაღი? სანქციები - ეს გადაწყვეტილება კი არა, პრობლემის ნაწილია", - წერს ირანის საგარეო უწყების ხელმძღვანელი.
ავტორი: ექსპრესნიუსი,
epn.ge (@expressnews.ge)
