ევროკომისიის ვიცე-პრეზიდენტი მარგარიტის სხინასი 9 სექტემბერს სომხეთს ეწვევა, რათა ევროკავშირსა და სომხეთს შორის ვიზალიბერალიზაციის შესახებ დიალოგი დაიწყოს. ამის შესახებ ევროკომისია ოფიციალურ განცხადებას აქვეყნებს.

როგორც გამოქვეყნებულ განცხადებაშია აღნიშნული, სხინასი სომხეთის პრეზიდენტ ვაჰაგნ ხაჩატურიანს, პრემიერ-მინისტრ ნიკოლ ფაშინიანს, ვიცე-პრემიერ მჰერ გრიგორიანსა და საგარეო საქმეთა მინისტრ არარატ მირზოიანს შეხვდება.

"სომხეთმა უნდა განახორციელოს რეფორმები ისეთ საკვანძო სფეროებში, როგორიცაა საზღვრის უსაფრთხოება, მიგრაცია და მგზავრობასთან დაკავშირებული ფუნდამენტური უფლებებისა და თავისუფლებების პატივისცემა",- ნათქვამია განცხადებაში.

აღსანიშნავია, რომ ევროკავშირის საგარეო საქმეთა მინისტრები სომხეთთან სავიზო რეჟიმის ლიბერალიზაციის დიალოგის დაწყებაზე მიმდინარე წლის ივლისში შეთანხმდნენ.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს