პოლონეთმა რუსეთის მიერ ნასროლი რაკეტები უკრაინის ტერიტორიაზე უნდა ჩამოაგდოს, - ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ განაცხადა.

სიკორსკის თქმით, პოლონეთი და უკრაინის მოსაზღვრე სხვა ქვეყნებიც ვალდებული არიან, ჩამოაგდონ რუსეთის მიერ ნასროლი რაკეტები, ვიდრე ისინი ამ სახელმწიფოების საჰაერო სივრცეში მოხვდებიან.

"ნატოს წევრობა არ აუქმებს თითოეული სახელმწიფოს პასუხისმგებლობას, დაიცვას საკუთარი საჰაერო სივრცე. ეს ჩვენი კონსტიტუციური ვალდებულებაა. პირადად მე მიმაჩნია, რომ როდესაც მტრის რაკეტები ჩვენი საჰაერო სივრცისკენ მიფრინავენ, მათი ჩამოგდება იქნება კანონიერი თავდაცვა, რადგანაც როგორც კი ეს რაკეტები გადაკვეთენ ჩვენს საზღვარს, ჩნდება მნიშვნელოვანი საფრთხე, რომ მათი ნამსხვრევების შედეგად ვინმე დაშავდა", - განაცხადა სიკორსკი.

მისივე თქმით, პოლონელმა სამხედროებმა უნდა ჩამოაგდონ ობიექტები, რომლებიც რუსეთის მიერ უკრაინის წინააღმდეგ მიტანილი იერიშების დროს გადაუფრენენ პოლონეთის ტერიტორიას და ეს მაშინაც უნდა გააკეთონ, როდესაც არ იციან, რას წარმოადგენენ ეს ობიექტები.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა