პოლონეთი ჰიბრიდული ომის მდგომარეობაშია,- ამის შესახებ პოლონეთის თავდაცვის მინისტრის მოადგილემ,  ცეზარ ტომჩიკმა ქალაქ ოლშტინში კონფერენციაზე სიტყვით გამოსვლისას განაცხადა.

მინისტრის მოადგილის თქმით, “ის, რასაც დღეს პოლონეთში ვაწყდებით, ფაქტობრივად, ჰიბრიდული ომია“.

პოლონეთის თავდაცვის მინისტრის მოადგილემ ყურადღება გაამახვილა ბელარუსთან საზღვარზე არსებულ დაძაბულ სიტუაციაზე და რამდენიმე მეტეოზონდზე, რომლებიც, როგორც იტყობინებიან, გასულ კვირას პოლონეთის ტერიტორიაზე ჩამოვარდა.

ტომჩიკმა რიტორიკული კითხვა დასვა: მართლაც აინტერესებს თუ არა რუსეთს, ამინდი პოლონეთში.

მან აღნიშნა, რომ ყოველი ასეთი მოწყობილობა, რომელიც რამდენიმე ასეული დოლარი ღირს, შეიძლება გამოიყენონ პოლონეთში საზოგადოებრივ აზრზე ზემოქმედებისთვის.

“შეიძლება გამოიყენონ საზოგადოებაში დისკუსიებისა და უთანხმოების გამოსაწვევად, რომ მოქალაქეებმა საკუთარი სახელმწიფოს აღარ დაიჯერონ. რუსული პროპაგანდის მნიშვნელოვანი ნაწილი სწორედ ამაზეა მიმართული“,- განაცხადა ტომჩიკმა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა