2024-08-22 15:54:49, 458 ნახვა
მსოფლიო
რუსეთის ხელისუფლებამ კურსკში ბეტონის თავშესაფრების მონტაჟი დაიწყო
რუსეთის ხელისუფლებამ კურსკის ოლქში უკრაინის ჯარის შესვლის პარალელურად ბეტონის თავშესაფრების მონტაჟი დაიწყო, - ამის შესახებ კურსკის ოლქის გუბერნატორის მოვალეობის შემსრულებელმა, ალექსეი სმირნოვმა განაცხადა.
როგორც სირნოვმა აღნიშნა, ბეტონის თავშესაფრები საზოგადოებრივი თავშეყრის ადგილებში იქნება განლაგებული. საოლქო ცენტრში ბეტონის 60 თავშესაფარი იქნება მოწყობილი.
"დღეს კურსკში რკინაბეტონის თავშესაფრების მოწყობა დაიწყო. ასეთი კონსტრუქციების აგების გადაწყვეტილება ოპერატიული შტაბის მიერ იქნა მიღებული", - განაცხადა სმირნოვმა.
ავტორი: ექსპრესნიუსი,
epn.ge (@expressnews.ge)
