2024-08-19 09:06:41, 513 ნახვა
მსოფლიო
ენტონი ბლინკენი თელ-ავივში ჩავიდა
ამერიკის შეერთებული შტატების სახელმწიფო მდივანი ენტონი ბლინკენი გუშინ თელ-ავივში ჩავიდა. ამის შესახებ ინფორმაციას Reuters-ი ავრცელებს.
მედიის ცნობით, ვიზიტის მიზანია ისრაელზე დიპლომატიური ზეწოლის გაძლიერება, რათა ცეცხლის შეწყვეტის შეთანხმებას მიაღწიონ.
დღეს ბლინკენი ისრაელელ მაღალჩინოსნებთან შეხვედრას გამართავს, მათ შორის ისრაელის პრემიერ-მინისტრთან, ბენიამინ ნეთანიაჰუსთან.
როგორც მედია იუწყება, ისრაელში ვიზიტის შემდეგ ბლინკენი ეგვიპტეში გაემგზავრება.
მიმდინარე კვირაში კი ცეცხლის შეწყვეტის შესახებ მოლაპარაკებები კაიროში გაიმართება.
ავტორი: ექსპრესნიუსი,
epn.ge (@expressnews.ge)
