2024-08-16 11:02:56, 442 ნახვა
მსოფლიო
ტაივანში 2 ძლიერი მიწისძვრა მოხდა
ტაივანში 2 ძლიერი მიწისძვრა მოხდა. ამის შესახებ ინფორმაციას Reuters-ი მეტეოროლოგიურ სამსახურზე დაყრდნობით ავრცელებს.
როგორც მედია იუწყება, გუშინ, 15 აგვისტოს საღამოს ტაივანის ჩრდილო-აღმოსავლეთ სანაპიროზე 5.7 მაგნიტუდის სიმძლავრის მიწისძვრა მოხდა. დღეს კი, 16 აგვისტოს კუნძულის აღმოსავლეთით 6.3 მაგნიტუდის სიმძლავრის მიწისძვრა დაფიქსირდა.
სინოპტიკოსები მოსახლეობას მთიან რაიონებში მეწყერის საშიშროების შესახებაც აფრთხილებენ.
მიწისძვრების შემდეგ ზარალის შესახებ ინფორმაცია არ გავრცელებულა.
ტაივანი მდებარეობს ორი ტექტონიკური ფილის შეერთების მახლობლად და კუნძულზე მიწისძვრები ხშირია.
ავტორი: ექსპრესნიუსი,
epn.ge (@expressnews.ge)
