2024-08-14 13:40:06, 488 ნახვა
მსოფლიო
ფუმიო კიშიდა აცხადებს, რომ მმართველი პარტიის თავმჯდომარის არჩევნებში მონაწილეობას აღარ მიიღებს
იაპონიის პრემიერ-მინისტრი ფუმიო კიშიდა აღარ მიიღებს მონაწილეობას მმართველი "ლიბერალ-დემოკრატიული პარტიის“ თავმჯდომარის არჩევნებში. ამის შესახებ კიშიდამ დღეს გამართულ პრესკონფერენციაზე განაცხადა.
კიშიდას თქმით, სექტემბერში ქვეყნის პრემიერ-მინისტრის თანამდებობიდანაც გადადგება.
"პოლიტიკას საზოგადოების ნდობის გარეშე ფუნქციონირება არ შეუძლია. ახლა ყურადღებას პარტიის ახლადარჩეული ლიდერის მხარდაჭერას დავუთმობ, როგორც პარტიის რიგითი წევრი“,- განაცხადა კიშიდამ.
შეგახსენებთ, იაპონიის "ლიბერალ-დემოკრატიული პარტიის" ლიდერი ფუმიო კიშიდა ქვეყნის პრემიერ-მინისტრის თანამდებობას 2021 წლიდან იკავებს.
ავტორი: ექსპრესნიუსი,
epn.ge (@expressnews.ge)
