2024-08-13 12:34:06, 488 ნახვა
მსოფლიო
დიდი ბრიტანეთის პრემიერ-მინისტრმა ირანს ისრაელზე თავდასხმისგან თავის შეკავებისკენ მოუწოდა
ბრიტანეთის პრემიერ-მინისტრმა, კირ სტარმერმა ირანის პრეზიდენტთან, მასუდ პეზეშქიანთან სატელეფონო საუბრისას, ირანს ისრაელზე თავდასხმისგან თავის შეკავებისკენ მოუწოდა. ამის შესახებ ინფორმაციას BBC ავრცელებს.
მედიის ცნობით, სტარმერმა პეზეშქიანთან საუბრისას თქვა, რომ "ძალიან შეშფოთებულია" ახლო აღმოსავლეთში არსებული სიტუაციით და მოუწოდა ყველა მხარეს დეესკალაციისკენ, რათა შემდგომი რეგიონული დაპირისპირება თავიდან აიცილონ.
სტარმერმა პეზეშქიანს განუცხადა, რომ "ომი არავის ინტერესში არ არის და ახლა სიმშვიდით და ყურადღებით განხილვის დროა".
ავტორი: ექსპრესნიუსი,
epn.ge (@expressnews.ge)
