ნაძალადევის რაიონში სპორტული მოედნების რეაბილიტაცია-კეთილმოწყობა გრძელდება. ამის შესახებ ინფორმაციას თბილისის მერია ავრცელებს.

მერიის ცნობით, ამჯერად, ზღვისუბნის მე-10 კვარტლის, N32 კორპუსის მიმდებარედ, საფეხბურთო სპორტული მოედანი სრულად რეაბილიტირდა.

პროექტის ფარგლებში, 1 000 კვ.მ ფართობზე ხელოვნური მწვანე საფარი დაიგო და მოედნის ინფრასტრუქტურა განახლდა. ასევე, მოეწყო თანამედროვე სტანდარტების შესაბამისი ტრიბუნა.

ზღვისუბნის მე-3 მიკრორაიონის, მე-2 კვარტალში, N31 კორპუსის მიმდებარედ კი, კალათბურთის მოედანი მოეწყო. 630 კვ.მ ფართობზე ხელოვნური წითელი საფარი დაიგო და მოედნის ინფრასტრუქტურა განახლდა. ასევე, დამონტაჟდა კალათბურთის ორი ფარი.

ხოლო ლოტკინზე, ფირცხალავას ქუჩის N64-ის მიმდებარედ, კომბინირებული მოედანი მოეწყო. პროექტის ფარგლებში, 567 კვ.მ ფართობზე ხელოვნური მწვანე საფარი დაიგო, კალათბურთის ორი ფარი დამონტაჟდა და სპეციალური ბადით გადაიხურა.

განახლებული მოედნები ნაძალადევის რაიონის გამგებელმა, ირაკლი ანდღულაძემ და საკრებულოს მაჟორიტარმა დეპუტატმა, ირაკლი ხელაძემ ერთად დაათვალიერეს.

"ნაძალადევის რაიონში ჯანსაღი ცხოვრების წესის დანერგვისა და პოპულარიზაციის მიზნით, სპორტული მოედნების, ფიტნეს ზონებისა და სავარჯიშო ტრენაჟორების მოწყობა აქტიურად მიმდინარეობს.  ყველა თაობის ადამიანს, განსაკუთრებით კი, მოზარდებს, შესაძლებლობა აქვთ, სხვადასხვა სპორტული აქტივობით დაკავდნენ. რაც ყველაზე მნიშვნელოვანია, მსგავსი პროექტების განხორციელებით ადგილობრივი მოსახლეობა კმაყოფილია, რასაც მომავალშიც გავაგრძელებთ“, - განაცხადა ირაკლი ანდღულაძემ.

აღნიშნული მოედნების სარეაბილიტაციო სამუშაოებისთვის   ნაძალადევის რაიონის გამგეობის ბიუჯეტიდან, ჯამში,  366 772 ლარი დაიხარჯა.

ავტორი: NS (სტატია დაფინანსებულია),

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ